ЯҢАЛЫКЛАР

“Өмет” халыкка социаль хезмәт күрсәтү комплекслы Үзәге ишегалды уеннарына өйрәтү технологиясен гамәлгә ашыра. Шушы уңайдан хәтта китап, башкача әйткәндә, ишегалды уеннары турында өлкәннәр һәм балалар өчен методик ярдәмлек тә әзерләп чыгарылган. Күз алдына китерәсезме - кулыгызда балалар уеннарын тасвирлап язган китап булса, балачагыгыз ничек күңелле узар иде! Үзәк белгечләре райондагы авыл җирлекләрендә балалар белән вакыттан-вакытка төрле уеннар оештырып торалар. Шундый интерактивларның берсендә без дә булдык.

Мүлмә авыл җирлегенең Тимерче авылында Бөек Ватан сугышында һәлак булган якташларга һәйкәл куйдылар. Аның ачылышына мактаулы кунаклар - Биектау районы Башлыгы Рөстәм Кәлимуллин, хәрби комиссар Александр Найденов, Равил хәзрәт Зәйнуллин һәм иганәчеләр килде. Һәйкәл салу өчен акчаны Тимерче авылы халкы үзе җыйган.

Хәзерге пандемия - ул гасырда бер тапкыр була торган кризис, аның нәтиҗәләре алдагы дистә еллар дәвамында сизеләчәк, диләр белгечләр. Пандемия шартларында хөкүмәт тарафыннан күп кенә икътисади һәм социаль проблемалар хәл ителеп килде, әмма күбесе әле алда тора. Чөнки күп кенә кешеләр эшсез калды, күбесе бизнесын югалтты. Ә кемгәдер пандемия берничек тә тәэсир итмәде.

Җәйнең соңгы аеның икенче шимбәсендә күптәннән урнашкан күркәм гадәт буенча һәрвакытта да күтәренке күңелле һәм актив, кыю һәм хәрәкәтчел булучылар, нинди генә хәлдә дә гәүдәләрен тиешле формада тота белүчеләр бәйрәме билгеләп үтелә.

«Экология» илкүләм проектының «Уникаль су объектларын саклау» федераль проекты кысаларында ТР Экология һәм табигать ресурслары министрлыгы хезмәткәрләре, Рус география җәмгыяте вәкилләре, «Чиста булачак» республика яшьләр экологик хәрәкәте волонтерлары, шулай ук Авиатөзелеш районында яшәүче битараф булмаган кешеләр шәһәр халкының яраткан ял итү урынын чистарткан.

КФУның мәгълүмати технологияләр һәм интеллектуаль системалар Югары мәктәбендә «Системалы аналитик» дигән бушлай белем бирү онлайн-курсына тыңлаучыларны җыялар. Проект «Ак Барс Цифрлы технологияләр» белән берлектә тормышка ашырыла. Курс тәмамланганнан соң, тыңлаучылар АБЦТка эшкә урнаша алачаклар.

Халыкара компетенцияләр үзәге - Казан мәгълүмати технологияләр һәм элемтә техникумы WorldSkills һөнәри осталык чемпионатына катнашучыларны җыюны игълан итте. Гаризаны сылтама буенча бирергә мөмкин.

Күп функцияле үзәкләрнең барлык 59 бүлекчәләрендә 11-13 сентябрьдә узачак сайлауларда катнашу урыны буенча тавыш бирү өчен гаризалар кабул ителә башлады. Мондый гаризаны республика халкы 8 сентябрьгә кадәр тапшыра ала.

17 августта россиянең әйдәп баручы ИТ-вузында Java программалаштыру буенча бушлай белем бирү курсы башлана. Укуларын уңышлы тәмамлаган тыңлаучылар «Ай-Теко инновацион үзәге» ИТ-компаниясенә эшкә чакыру алачаклар. Катнашу өчен гаризаны сылтама буенча калдырырга мөмкин.

Биектау районында урыпҗыю кампаниясе башланып китте. «Әсән», «Ватан», «Соватех», «Битаман», «Татарстан», КФХ “Хәмдиев” хуҗалыкларында комбайннар басуга чыкты инде. Тиздән башка хуҗалыклар да урып-җыюга керешергә ниятли. Район буенча 61 урып-җыю техникасы тулы әзерлек сызыгында тора.