ЯҢАЛЫКЛАР
Әле күптән түгел генә “Элита” предприятиесе базасында “2021-2030 елларга Татарстан Республикасында сөт терлекчелеген үстерү концепциясе” дигән темага ТРның Авыл хуҗалыгы һәм азык-төлек министры Марат Җәббаров катнашында түгәрәк өстәл булды. Бу чарада республиканың иң көчле предприятиеләре вәкилләре катнашты, кунакларга компаниянең һәр участоктагы эшен күрсәттеләр, эш барышында файдаланыла торган яңалыклар һәм заман технологияләре белән таныштырдылар.
Биектау районының Мүлмә авыл җирлегендә ТАССР оешуга 100 ел тулуга багышланган флаг эстафетасын тапшыру тантанасы булып узды. 2019 нчы елның декабрендә ТАССРның 100 еллыгына старт бирелү уңаеннан үткәрелгән тантаналы чарада эстафета флагы белән таныштырдылар.
Россия Федерациясе Авыл хуҗалыгы министрлыгының оператив белешмәләреннән күренгәнчә, 2020 елның 3 августына авыл хуҗалыгы оешмалары тарафыннан тәүлеклек сөт сату күләме 49,8 мең тонна тәшкил иткән, бу 2019 елның шул күрсәткеченнән 5% ка (2,4 мең тоннага) күбрәк.
Татарстанда икенче миллион тонна яңа уңыш ашлыгы суктырылган. Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, 10 августка республикада 506,3 мең га мәйданда бөртекле һәм кузаклы культуралар җыелган, бу барлык мәйданның 34 %ын тәшкил итә.
Гүзәл һәм Рафик Гыйлметдиновлар гаиләсе турында районда белмәгән кеше юктыр. Шушы яктан, шушы туфрактан алар. Гомер итәргә дә районның иң матур авылларының берсе - Усад авылын сайлыйлар. Бүген балаларын, оныкларын, оныкчыкларын бер түбә астына туплаган зур, тату гаилә еш кына туган нигезгә җыела.
Авыл юкка чыга бара һәм моның белән бәхәсләшеп булмый. Бөтен ил күләмендә ел саен авыллардан дистә меңләгән кеше шәһәргә юл тота. Безнең районда исә еш кабатлана торган күренеш - күршедәге зуррак авылларга күченү. Һәм шәһәрнең якында булуы да үзенекен итә. Сәбәпләр күп төрле - авылларның ташландык хәлгә килүендә андагы тормыш-көнкүрешнең сыйфаты да, кешеләр үзләре дә зур роль уйный.
Биектау районының Ямаширмә авылында берничә атна инде кара карлыган җыялар.
Татарстанда урып-җыю эшләре бар куәткә бара. Бу чорда янгын куркынычсызлыгын тәэмин итү мәсьәләсе аеруча актуаль. Бүгенге көндә бөртекле культуралар чәчелгән кырларда янгын чыгу иң җитди һәм куркыныч проблема булып санала, чөнки салам һәм бөртеклеләр күбәсе - җиңел кабынып китә торган масса.
Урып-җыю кампаниясендә катнашучы кыр батырларын котлау Биектау районында матур гадәткә әйләнде.
Биектау районының Новый бистәсендә гомер итүче Мугаззадә Исмәгыйлевага шушы көннәрдә 90 яшь тулды. Ул - хезмәт ветераны, тыл хезмәтчәне. Юбилярны “Өмет” халыкка социаль хезмәт күрсәтү комплекслы Үзәге хезмәткәрләре котлады.