ЯҢАЛЫКЛАР
Быел безнең районда урып-җыю оешкан төстә узды. Һәр өч көн саен эш йомгаклары буенча комбайнчылар һәм шоферларга премияләр тапшыру анда катнашучылар өчен тагын да ныграк тырышырга этәргеч булды. Алар барлык кыенлыкларны җиңә алдылар.
Илебездә “Китап һәм укуны алга җибәрүнең милли программасы” кабул ителде, ә 2014 ел Россия Федерациясе Президенты тарафыннан Мәдәният елы дип игълан ителде.
26 октябрьдә Татарстан халкы сәгать телләрен бер сәгатькә артка күчерә.
Узган җомгада безнең районда гражданнарны авария хәлендәге торак фондыннан күчерүнең республика күләмендәге адреслы программасын тормышка ашыру тәҗрибәсен уртаклашу буенча зона киңәшмәсе булды. Тузган торактан күчерү буенча Биектау районы – республикада алда баручыларның берсе. Шуңа күрә дә зона киңәшмәсенең нәкъ менә бездә уздырылуы очраклы күренеш түгел.
Районның кайбер предприятиеләре һәм оешмаларының үз вакытында түләмәве 2014 елның беренче яртыеллыгында Пенсия фондына бурычларның 2013 ел белән чагыштырганда 23,88 миллионга кадәр артуына китерде.