Бурычлары арткан

Районның кайбер предприятиеләре һәм оешмаларының үз вакытында түләмәве  2014 елның беренче яртыеллыгында Пенсия фондына бурычларның 2013 ел белән чагыштырганда 23,88 миллионга кадәр артуына китерде.

20 нче октябрьгә иң күп бурычлы – “Бөреле” ябык акционерлык җәмгыяте, аның бурычы 4,3 миллион сумнан күбрәк. “Татмелиорация-Агро”, “Серп и молот”, “Березка” җаваплылыгы чикле ширкәтләре, шулай ук кайбер предприятиеләр һәм фирмалар да – бурычлылар исәбендә. Шушы ук коллективларның мәҗбүри медицина страхованиесенә дә бурычлары бар.  Район прокуроры әҗәте булучыларның  бурычларын кыска вакыт эчендә түләүләрен таләп итте.