ЯҢАЛЫКЛАР
Алданган өлешчеләр көн дә диярлек Рөстәм Миңнехановның «ВКонтакте» челтәрендәге шәхси битен «штурмлый». Президент тарафыннан урнаштырылган һәр фото астында алар үз зарларын белдерә һәм ярдәм сорый.
Татарстанда elbette.ru дип исемләнгән коммерцияле булмаган фәнни-популяр проект башлангыч алды. Ул аудиторияне татар галимнәре белән таныштырачак. Фән вәкилләре тыңлаучыларга республика турында сөйлиячәк.
8-29 февраль көннәрендә Татарстанда «Россия Ел укытучысы-2016” бәйгесе төбәк этабының зона турлары узды. Быел конкурста муниципаль дәрәҗәдә 1,2 меңләп укытучы катнашкан, шулардан 150се зона этапларында көч сынашкан.Инде хәзер бу этапның җиңүчеләре билгеле.
Россиялеләр 8 март алдыннан интернет аша иң күп нәрсә сатып алынган дип уйлыйсыз? Тикшеренүләрдән күренгәнчә бу….КИТАП икән. Бәйрәм алдыннан интернет-кибетләрдә китап сатып алулар икеләтә арткан.
Яз ахырында Казаннан Сочига һәм Анапага туры рейсларга арзанлы билетлар сатыла башлаячак.
Россиянең һәр бишенче эшчесе ике-өч айдан үзен штат кыскартуга эләгеп, эшеннән коры калырга мөмкин дип саный. «Иҗтимагый фикер» фонды тарафыннан үткәрелгән сораштыру шуны күрсәткән. Сорауга Россиянең 53 субъектында 104 торак пунктында яшәүче 1500 кеше җавап биргән.
Прокуратура эшкә алынгач, предприятиеләр эш хакларын бирүдә булган 67 миллион сумлык бурычларын кайтарган.
Татарстан гидромецентры республикада һава торышы бозылуы турында хәбәр итә. 7 март төнендә һәм көндезен Татарстан буенча томан һәм бозлавык көтелә
«Шәхси мәгълүматлар турында»гы Федераль закон нигезендә, шәхси мәгълүматлар эшкәртүне башкарып та, Шәхси мәгълүматларны эшкәртү Реестрында теркәлмәгән операторлар ТР буенча Роскомнадзор идарәсенә белдерү хаты җибәрергә тиеш (Гарифҗанов урамы, 28а йорт, Казан, 420138, а/я 25). Роскомнадзор шулай ук реестрда 2011 елның 1 июленә кадәр теркәлгән операторлар өчен оператор турындагы мәгълүматларга узгәрешләр кертү турындагы документ формасының гадиләштерелүе турында хәбәр итә. Шул ук вакытта операторлар Роскомнадзорга мәгълүматлар узгәрү турында 2013 елның 1 гыйварына кадәр итәргә тиешләр иде. Тулырак мәглүмат – http://16.rkn.gov.ru/ сайтында.
Дөбъяз авылы мәдәният йортында “ Бию иленә сәяхәт” исемле чара уздырылды. Музыка мәктәбендә укыган һәр-бер бала үзенең әти-әнисе яисә укытучысы белән биюдә көч сынашты. Балаларның чыгышларын халык басып алкышлады.