ЯҢАЛЫКЛАР
«Шәхси мәгълүматлар турында»гы Федераль закон нигезендә, шәхси мәгълүматлар эшкәртүне башкарып та, Шәхси мәгълүматларны эшкәртү Реестрында теркәлмәгән операторлар ТР буенча Роскомнадзор идарәсенә белдерү хаты җибәрергә тиеш (Гарифҗанов урамы, 28а йорт, Казан, 420138, а/я 25). Роскомнадзор шулай ук реестрда 2011 елның 1 июленә кадәр теркәлгән операторлар өчен оператор турындагы мәгълүматларга узгәрешләр кертү турындагы документ формасының гадиләштерелүе турында хәбәр итә. Шул ук вакытта операторлар Роскомнадзорга мәгълүматлар узгәрү турында 2013 елның 1 гыйварына кадәр итәргә тиешләр иде. Тулырак мәглүмат – http://16.rkn.gov.ru/ сайтында.
«Шәхси мәгълүматлар турында»гы Федераль закон нигезендә, шәхси мәгълүматлар эшкәртүне башкарып та, Шәхси мәгълүматларны эшкәртү Реестрында теркәлмәгән операторлар ТР буенча Роскомнадзор идарәсенә белдерү хаты җибәрергә тиеш (Гарифҗанов урамы, 28а йорт, Казан, 420138, а/я 25).
Татарстанга федераль бюджеттан гаилә фермаларын үстерү өчен грантка 59,5 миллион сум акча бүлеп бирелә.
Казанда «Семейные хлопоты» дигән киноның премьерасын тәкъдим итәргә җыеналар. 3 март көнне 19.00 сәгатьтә 3D Port cinema (Әмирхан пр., 1 йорт, «Ривьера» күңел ачу комплексы) кинотеатрының 5 залында күрсәтеләчәк картинаның куючы-режиссеры - Алексей Барыкин.
Казанда пассажир ташу белән шөгыльләнүче оешма вәкилләре шәһәр мэры, ТР транспорт һәм юл хуҗалыгы министры, Тарифлар буенча дәүләт комитеты рәисе исеменә ачык хат язган.
2016 елда Габдулла Тукай исемендәге Татарстан Дәүләт премиясен дәгъвалаучылар исемлеге билгеле булды. Бу хакта, республика Мәдәният министрлыгының рәсми сайты хәбәр итә.
1 мартта Чаллының Үзәк китапханәсе һәм шәһәрнең “Чишмә” Халыклар дуслыгы йортының казах, украин, әрмән, мари җәмгыятьләре, 20нче мәктәп укучылары «Халық арасындағы достық бұзылмасын» исемле онлайн-очрашуда катнашты. Ул Казахстанда быел беренче тапкыр билгеләнеп үтүче Илтифат көненә багышланган иде.
Илдә катлаулы икътисади вәзгыять урнашуга карамастан, Татарстанның суд приставлары карамагандагы эшләр саны артмаган. Бу – бик уңай күрсәткеч. Иң мөһиме, җаваплы идарәчелек бу өлкәне агымдагы елда да җитди контрольдә тотарга тиеш, дип саный Татарстан премьер-министры Илдар Халиков.
Гаилә кыйммәтләре, иман ныклыгы, сәламәт күңел – болар хакында бүген “Татмедиа” агентлыгында узган очрашуда сөйләштеләр. “Татар-информ” уздырган "Татарстанда халыкның дини үзбилгеләнүе" дигән темага матбугат очрашуы вакытында явыз көчләр тарафыннан оештырылган секталар эшчәнлеге, вахаббитларның чын йөзе, балаларга мәктәп бусагасыннан ук дини тәрбия орлыкларын җиткерү мәсьәләләре хакында Татарстанның дин әһелләре, галим-социологлар фикер алышты.
Казанда Россиядә тиңе булмаган проект башланып китте. “Бәләкәч тартмасы” дип аталган әлеге социаль акция яңа туган сабыйларны бар кирәк-ярак белән тәэмин итү бурычын куя. Проект аз керемле, ярдәмгә мохтаҗ гаиләләр, ялгызы гына бала тәрбияләүче аналарга ярдәмне күздә тотып оештырыла.