ЯҢАЛЫКЛАР
Татарстан Мәгариф һәм фән министрлыгы республика күләмендә спорт мәйданчыкларының торышын тикшерүгә бәйле рейдлар үткәрү тәкъдиме белән чыкты.
Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров Татарстан Республикасы кырларында урып-җыю эшләренең барышы турында сөйләде.
Рус география җәмгыятенең Татарстан бүлеге вәкилләре, ТР Экология һәм табигать ресурслары министрлыгы, җәмәгать оешмалары волонтерлары һәм битараф булмаган гражданнар белән берлектә, Казанның Авиатөзелеш районындагы Лесное күленең яр буе зонасын һәм күлнең үзен чистарткан. Чара «Экология» илкүләм проектының «Уникаль су объектларын саклау» федераль проекты кысаларында оештырылган.
Әле кайчан гына Урманчы бистәсендә яшәүчеләргә су проблемасы гел тынгылык бирми иде. Иске скважина бистә халкын сыйфатлы су белән тәэмин итә алмады. Ниһаять, халык тәкъдиме һәм үзара салым программасы ярдәмендә әлеге проблема хәл ителде.
Тиздән республика кырларында бөртекле культураларны җыю эшенә керешәчәкләр. Татарстан Авыл хуҗалыгы һәм азыктөлек министрлыгы үткәргән тикшерүдән күренгәнчә, Биектау районы сезонга 90 процентка әзер. Район хуҗалыклары урып-җыюдан нәрсә өмет итә һәм алдынгы игенчеләрне ничек хөрмәтлиләр?
Бердәм дәүләт имтиханнарының күбесе тәмамланып килә. Күп фәннәр буенча нәтиҗәләр әлегә билгеле түгел, шушы көннәрдә чыгарылыш сыйныфлары инглиз теле буенча имтиханның телдән бирелә торган өлешен тапшырдылар. Әлегә нәтиҗәләр 4 фән - рус теле, география, әдәбият һәм информатика буенча гына билгеле булды.
Без Биектау районы умартачыларының иҗтимагый оешмасы рәисе Алмаз Шакиров һәм фермер Марат Бәхтияров белән бергә Б.А.Хәмдиев КФХсының карабодай кыры янында басып торабыз. Карабодай кыры күзләрне камаштырырлык итеп ап-ак чәчәккә күмелгән. Бу кыр яныннан узучы автобус һәм автомобильләрдәге пассажирларны гына түгел, ә җиргә хуҗаларча мөнәсәбәтне югары бәяләүче күп санлы бал кортларын да үзенә җәлеп итә. Кыр өстендә бал кортлары безелди, алар бик актив эшлиләр, нектар җыялар - димәк, басуда тәртип: аларны биредә бик теләп каршы алалар.
Чернышевкада заманча, яңа китапханә булачак. Биредә һәр нәрсә чор сулышына аваздаш, хәзерге көн таләпләренә нигезләнеп оештырылган.
Мәктәп тәмамлаучылар өчен бик кызу чор башланды. Июль башыннан алар Бердәм дәүләт имтиханнары тапшыралар.
4 нче июньнән Биектау районы территориясендә сулыкларда куркыныч янауның “кызыл” дәрәҗәсе кертелде. Эчке эшләр министрлыгы һәм Гадәттән тыш хәлләр министрлыгы хезмәткәрләре Әлдермеш авыл җирлеге башлыгы белән берлектә күлгә рейд уздырдылар. Коенырга рөхсәт ителмәгән әлеге урын хәзерге вакытта куркыныч чыганагы булып тора, анда “Су коену тыела!” дигән аншлаг эленгән. Мондый рейдлар Биектау районындагы барлык күлләр һәм сулыкларда да уздырылачак.