ЯҢАЛЫКЛАР
РФ Мәгариф һәм фән министрлыгы Россия югары уку йортлараны кабул итү тәртибе турындагы яңа боерыкны бастырган, ул алдагы елларда гамәлдә булачак. Бу хакта министрлыкның матбугат хезмәте хәбәр итә.
Быел Нурлат районының 37 мәгариф хезмәткәре профсоюз линиясе буенча шифаханәгә юллама алып, сәламәтлеген ныгыта. Мәгариф хезмәткәрләре профсоюзы оешмалары советында әйтүләренчә, юлламалар, нигездә, Татарстан шифаханәләренә бирелә.
11 ноябрьдан башлап "Эфир" һәм "Эфир-24" телеканалларында "Бюро профессий" тапшыру циклы старт ала. Беренче тапшыру "Утро" программасы кысаларында 5:00дан 8:00га кадәр һәм "Полезные новости" кысаларында 18:00дан 18:30га кадәр эфирга чыгачак.
"Татарстан Республикасы халкының социаль регистры" дәүләт мәгълүмати системасында бүгенге көнгә 77 895 гражданнар гаризасы теркәлгән.
Авиакомпанияләр һәм аэропортлар арасында төзелгән килешү кысаларында Россия Почтасы пассажирларның багажларын Мисырдан күрсәтелгән адрес буенча алып кайта.
Педагогик үлчәнешләр федераль иституты (ФИПИ) сайтына урнаштырылган бердәм дәүләт имтиханнары биремнәре ачык банкы математикадан база дәрәҗәдәге БДИ биремнәре белән тулыландырылган. Бу хакта Россия мәгариф һәм фән өлкәсендә күзәтчелек буенча федераль хезмәт сайтында хәбәр ителә.
30 октябрьдән 3 ноябрьгә кадәр Екатеринбург шәһәрендә WorldSkills методикасы буенча сәнәгать өлкәсенең югары технологияле эшче һөнәрләренең WorldSkills Hi-Tech 2015 һикенче милли чемпионаты узды. Чемпионатта өлкәннәр генә түгел, ә мәктәп укучылары да катнашты. Россиянең төрле төбәкләреннән 100дән артык мәктәп укучысы 12 компетенция буенча көч сынашты. Әлмәт шәһәренең 16нчы урта мәктәбе укучылары Давид Хамитов һәм Игорь Крейдо “Лазер технологияре” компетенциясендә беренче урынны яулады. Ә әлеге компетенциядә өченче урынга Казан шәһәренең 5нче лицее укучылары Артем Иванов һәм Айдар Исхаков лаек дип табылды.
2015 елның 10-12 ноябрендә Республика олимпиада үзәгендә IV Республикакүләм тарихи-хокукый турнир узачак. Ярышларда республика мәктәпләренең 8-11 сыйныфларында укучылардан торган командалар катнашачак.Турнир сайлап алу туры һәм финал уеннарыннан тора. Сынаулар иң яхшы ике команда уены белән тәмамланачак.
Россия ислам институтында студентлар һәм мәктәп укучылары арасында “Журналист буласым килә” ислам темасына багышланган иҗади эшләр конкурсы башланды. Аны РИИ һәм ТР мөселманнары Диния нәзарәте оештыра.
14 ноябрьдә "Мега" сәүдә үзәгендә Казаннның халыкны эш белән тәэмин итү үзәге белгечләре вакантлы эш урыннары ярминкәсе уздырачак. Катнашучылар игътибарына булган вакансияләр турында мәгълүмат тәкъдим ителәчәк. Ярминкәдә 30 предприятие вәкиле катнашыр дип көтелә.