ЯҢАЛЫКЛАР
7 март Мәмдәл мәдәният йортында халык-ара хатын-кызлар бәйрәме алдыннан ир-егетләр катнашындагы башваткыч үткәрелде. Сәхнәгә Мәмдәл мәктәбе укытучысы Ибатуллин Ирек, "Правда" күмәк хуҗалыгы баш хисапчысы Багавиев Гомәр, Мәмдәл амбулаториясе фельдшеры Батыршин Фәнис чакырылды. Конкурс концерт номерлары белән бергә барды. Җиңүче булып Ибатуллин Ирек танылды. Бәйрәмгә килгән һәрбер кеше ял итеп өйләренә таралышты.
19 мартта Ямаширмә авыл җирлегендә татар халкының милли бәйрәме "Нәүрүз" булачак. Барыгызны да безнең белән ЯЗ кызын каршылырга чакырабыз.
«Шәхси мәгълүматлар турында»гы Федераль закон нигезендә, шәхси мәгълүматлар эшкәртүне башкарып та, Шәхси мәгълүматларны эшкәртү Реестрында теркәлмәгән операторлар ТР буенча Роскомнадзор идарәсенә белдерү хаты җибәрергә тиеш (Гарифҗанов урамы, 28а йорт, Казан, 420138, а/я 25). Роскомнадзор шулай ук реестрда 2011 елның 1 июленә кадәр теркәлгән операторлар өчен оператор турындагы мәгълүматларга узгәрешләр кертү турындагы документ формасының гадиләштерелүе турында хәбәр итә. Шул ук вакытта операторлар Роскомнадзорга мәгълүматлар узгәрү турында 2013 елның 1 гыйварына кадәр итәргә тиешләр иде. Тулырак мәглүмат – http://16.rkn.gov.ru/ сайтында.
Бүген, 15 мартта, Ямаширмәдә авыл җирлеге башлыгы Мохтаров Фәнил Камил улы белән чираттагы очрашу булып узды.
ТР Гражданнар оборонасы эшләре һәм гадәттән тыш хәлләр министрлыгыннан хәбәр итүләренчә, узган тәүлектә республикада 6 янгын очрагы теркәлгән. Торак секторда булган бер янгын аркасында ике кешенең гомере өзелгән.
Тольяттида теннис буенча Россия беренчелеге төгәлләнде. Әлеге ярышта 15 яшькә кадәрге малайлар һәм кызлар арасында Татарстан җыелма командасы да уңышлы чыгыш ясады.
15- 17 мартта Татарстанда Гагауз мәдәнияте көннәре узачак. Төп чаралар 16 мартка билгеләнгән.
7-13 мартта Казанның ашыгыч ярдәм күрсәтү хезмәте 9015 мөрәҗәгать кабул итеп алган.
Башкаланың 141 мәктәбе базасында каникул вакытында лагерьлар оештырыла. Казанда язгы каникуллар 21 мартта башлана.
Иртәгә, 15 мартта, Кулланучыларның хокукларын яклау һәм кеше иминлеге өлкәсендә күзәтчелек Федераль хезмәтенең (Роспотребнадзор) Татарстан буенча идарәсе "кайнар линия" ача.