ЯҢАЛЫКЛАР

“Бар байлыгым - балаларым, моннан да зур байлык буламы?”, - ди Өнсә авылында яшәүче Нурания Зәбирова. 19 октябрь көнне 90 яшен каршылаган якташыбызны котларга өй тутырып ул-кызлары, кияү-киленнәре, оныконыкчыклары, туганнары җыйналган иде. Күпләргә үрнәк булырлык, горурланырлык тормыш юлы үткән, игелекле балалар тәрбияләгән хезмәт ветеранын котларга Биектау районы Башлыгы Рөстәм Кәлимуллин, районның социаль яклау бүлеге җитәкчесе Гүзәл Минаева да килде. Юбилярны тәбрикләп, Рөстәм Галиулла улы Россия Президенты Владимир Путинның Котлау хатын, истәлекле бүләкләр тапшырды. Өй эче изге теләкләргә күмелде.

“Татарстан көзгеләре” проекты туристлык-рекреация кластерлары булдыру һәм экотуризмны үстерү буенча Бөтенроссия конкурсында халык тарафыннан тавыш бирүдә җиңү яулады. Зәңгәр күлләрне әйләндереп алган территориядә экокластер булдыруны күздә тотучы “Высокогорский” туристлык-рекреация кластеры проекты 18 мең 476 “лайк” җыйды.

Милли китапханә җитәкчесе урынбасарының «Ялкын» яшүсмерләр журналы өчен уздырган экскурсиянең видеоязмасын журналның YouTube каналыннан карап була.

Биектау районы - республиканың гел үсештә, һәрчак киләчәккә карап алга баручы районнарының берсе. Ел саен мәдәният йортлары, балалар бакчалары, мәктәпләр, яңа торак комплекслар, фельдшер-акушерлык пунктлары ачылу күркәм гадәткә әверелде. Тормышның сыйфаты яхшыра бару халык санында да чагылыш таба. 10 елда биектаулылар саны якынча 14 мең кешегә артты. Җәмгыятьнең үсеш дәрәҗәсе турында аның балаларга, аеруча физик мөмкинлекләре чикле балаларга мөнәсәбәтенә карап та фикер йөртергә була. Биектау районында әлеге эш берничә юнәлештә бара. Шундыйларның берсе - “Уңайлы мохит” программасын гамәлгә ашыру.

Күп кенә дәүләт учреждениеләре хезмәтләреннән инде күптәннән читтән торып файдаланырга мөмкин. Күпчелек структураларның үз сайтлары бар. Әле моннан берничә ел элек кенә Дәүләт хезмәтләре порталы турында ишеткән дә юк иде, ә хәзерге вакытта аннан башка тормышыбызны күз алдына да китерүе кыен. Россия Пенсия фонды дәүләт хезмәтләре сайты белән уңышлы хезмәттәшлек итә һәм гражданнарга мәсьәләләрне читтән торып хәл итү мөмкинлеге бирә. Учреждениегә өеңнән чыкмыйча да мөрәҗәгать итәргә һәм хезмәттән нәтиҗәле файдаланырга була.

Татарстанда йорт тирәләрен яңарту, җыйнакландыру, ямьләндерү эшләре дәвам иттерелә. Әлеге проект “Безнең ишегалды” дип атала. Ул 5 ел дәвамында гамәлгә ашырылачак. Район Башлыгы Рөстәм Кәлимуллин Президент программасы нәтиҗәсендә күп еллар кеше кулы тимәгән ишегалларының, ниһаять, тәртипкә китерелә башлавын гел искәртеп тора. Хәзер бөтен нәрсә халыкның үзенең сакчыл мөнәсәбәтеннән торачак. Биектау авылында бер айдан Юбилей урамындагы йортларның әйләнә-тирәсе яңа төсмер алачак.

Битлекнең вируслы инфекция йоктырудан күпмедер дәрәҗәдә саклый алганын хәзер инде балалар бакчасындагы бала да аңлый. Кискен тын юллары авыруларының сезонлы артуы сәбәпле битлек режимы бүгенге көндә иң актуаль саклану чарасы булып тора.

Татарстанда йорт тирәләрен яңарту, җыйнакландыру, ямьләндерү эшләре дәвам иттерелә. Әлеге проект “Безнең ишегалды” дип атала. Ул 5 ел дәвамында гамәлгә ашырылачак. Район Башлыгы Рөстәм Кәлимуллин Президент программасы нәтиҗәсендә күп еллар кеше кулы тимәгән ишегалларының, ниһаять, тәртипкә китерелә башлавын гел искәртеп тора. Хәзер бөтен нәрсә халыкның үзенең сакчыл мөнәсәбәтеннән торачак. Биектау авылында бер айдан Юбилей урамындагы йортларның әйләнә-тирәсе яңа төсмер алачак.

Россиядә Авыл хуҗалыгы хезмәтчәннәре көне ел саен октябрьнең икенче якшәмбесендә билгеләп үтелә. Бу көнне фермерлар, агрономнар, азык-төлек һәм эшкәртү предприятиеләре белгечләре, хуҗалык хезмәтчәннәре, механизаторлар һәм комбайнчылар котлаулар кабул итә. Быел бәйрәм 11 нче октябрьгә туры килде. Бу көнне районның үзәк мәдәният йортында иң алдынгы авыл хуҗалыгы хезмәтчәннәрен хөрмәтләделәр.

Бәйгенең икенче турына үтүчеләр өчен Казан театрлары артистлары нәфис сүз осталыгы буенча мастер-класс оештырачак.