ЯҢАЛЫКЛАР
Уку елының беренче чиреге тәмамланып та килә. 31 октябрьдән балаларның көтеп алган көзге каникуллары башланачак. Балалар өчен, әлбәттә, шатлык. Ә әти-әниләр өчен каникул чоры аеруча мәшәкатьле вакыт. Балаларны кайда калдырырга белмәгән әти-әни, аларның кулларына телефон, компьютер тоттырып, өйдә үзләрен генә калдырырга дә мәҗбүр була. Әмма район мәгариф бүлеге бу мәсьәләне өлешчә хәл итәргә алынды.
20.35 Университеты платформасында персональ санлы сертификатлар кысаларында курсларның яңартылган каталогы ачык. Бүгенге көннән проектта катнашу өчен гаризалары хупланган кешеләр цифровойсертификат.рф сайтында үзләренең шәхси кабинетларында уку юнәлешен сайлый ала.
Мәмдәл авылы мәдәният йортында иҗат кичәләре бик еш уздырыла. Чөнки биредә яшәү энергиясе ташып торган талантлы кешеләр байтак. Алар бәйрәмнәрне дә күңелле итеп уздыра белә. Күптән түгел авылның лаеклы игенчеләрен, терлекчеләрен хөрмәтләүгә багышланган күркәм бәйрәм уздырылды.
Ярты елдан бирле иң күп кузгатыла һәм иң күп сөйләнелә торган темаларның берсе - коронавирус инфекциясе. Аның турында имешмимешләр дә, фаразлаулар да җитәрлек. Хәзер аның икенче дулкыны башланамы, ә ничек дәваланырга, өйдән чыгарга ярыймы-юкмы? Әлеге сорауларга җавап табу максаты белән без тагын Биектау районы үзәк хастаханәсе каршында эшләп килүче госпитальгә юнәлдек.
Биектау районының «Битаман» ҖЧҖ игенчеләре быел гектардан 71,3 центнер сабан бодае алдылар. Бу селекция үзәгенең тәҗрибәле кишәрлекләреннән алынганнан күбрәк.
Иннополис Университеты робототехника буенча Innopolis Open олимпиадасында катнашу өчен гаризалар кабул итү башлануы турында игълан итте. Интеллектуаль ярышларда 6-11 сыйныф укучылары катнаша ала. Гаризалар түбәндәге сайтта кабул ителә - https://dovuz.innopolis.university/io-robo/.
Республиканың барлык почта элемтәсе бүлекчәләрендә теләсә кайсы банк картасыннан акча алып кына калмыйча, махсус POS-терминаллар ярдәмендә банк картасын да тулыландырырга мөмкин. Бүгенге көндә мондый терминаллар республиканың кечкенә авылларының почта бүлекчәләрендә дә урнаштырылган.
«МТС» ГАҖ - цифрлы, Медиа һәм телекоммуникацион сервислар күрсәтү буенча әйдәп баручы Россия компаниясе - казанлыларның санлы активлыгы индексын анализлады. Татарстан башкаласында яшәүчеләр октябрьнең беренче яртысында цифрлы хезмәтләрдән узган ел белән чагыштырганда берничә тапкыр активрак файдаландылар.
2020 елның гыйнварыннан Татарстан Республикасында яшәүчеләр Россия Социаль иминият фонды тарафыннан эшләүче гражданнарга Россия Почтасының якындагы бүлекчәсендә түләнә торган иминият тәэминатын ала алалар. 9 ай эчендә 20 меңнән артык татарстанлы иминият түләүләрен алган.
Россиядә финанс ИТ-грамоталылыгы буенча Бөтенроссия кибердиктанты старт алды. Халык диктантта 1 ноябрьгә кадәр RUNET-ID платформасында катнаша һәм финанс өлкәсендә үз цифрлы белемнәрен тикшерә ала.