ЯҢАЛЫКЛАР
27 нче гыйнварда Биектау станциясендәге чаңгы базасында беренче тапкыр “Высокогорские вести” - “Биектау хәбәрләре” газетасы призларына чаңгы узышлары үткәрелде. Әлеге спорт чарасында 250 дән артык кызлар һәм малайлар катнашты. Район үзәгенә бөтен Биектау районыннан 5-6 һәм 7-9 сыйныф укучылары җыелды, ә бу районның нигездә барлык мәктәпләре дә катнашкан дигәнне аңлата.
Табибларны, фельдшерларны чын мәгънәсендә заман каһарманнары дип әйтергә мөмкин. Аларның кайберләре Covid-19 коронавирус инфекциясе йоктырган пациентлар белән кызыл зонада авыруларны савыктыру өчен кулдан килгәннең барысын да эшлиләр, еш кына хәтта үз сәламәтлекләре, үз гомерләре белән дә исәпләшеп тормыйлар. Биектау районы үзәк хастаханәсе дә пандемия чорында госпиталь итеп үзгәртеп корылган иде. Район табиблары күзгә күренмәгән фронтта алны-ялны белми эшләделәр. Бүген дә алар көне-төне район халкы сәламәтлеге сагында торалар.
Гражданнар җыеннарында иң көнүзәк мәсьәләләр кузгатыла. Теләге булган һәркем эш нәтиҗәләре белән таныша һәм район җитәкчеләренә үзен кызыксындырган сорауларны бирә ала. Җыелышлар Шәпше, Суыксу, Иске Казан, Мәмдәл, Олы Кавал, Ташлы Кавал, Чыпчык, Алан Бәксәр, Олы Битаман һәм Мүлмә авыл җирлекләрендә узды.
Соңгы көннәрдә иң төп мәсьәләләрнең берсе - кар чистарту. Кемнәрдер җитез эш итүләре өчен коммуналь хезмәтләргә рәхмәт белдерә, ә кемнәрдер ачулы язмалар урнаштыра. Үз йортлары белән яшәүчеләр әле генә көрәп, чистартып куелган территориянең берничә сәгать үтүгә яңадан кар белән каплануын яхшы беләләр. Быел гыйнвар карны менә шулай юмарт яудырды. Районда кар каплап киткән юлларны чистарту эшләре ничек бара?
Ямаширмәдә “Ватан” хуҗалыгы базасында күчмә киңәшмә уздырылды. Бирегә хуҗалык җитәкчеләре, баш зоотехниклар һәм ветеринария табиблары, районның авыл хуҗалыгы һәм азык-төлек идарәсе вәкилләре, шулай ук Биектау муниципаль районы Башлыгы Рөстәм Кәлимуллин килде.
Бүгенге яшьләрнең төп проблемасы – сабырсызлык һәм эгоизм.
Казан шәһәрендә яшәүчеләр декабрь аена җылылык өчен түләүләр суммасының бик зур булуыннан зарланалар. Әлеге тема массакүләм-мәгълүмат чараларында һәм социаль челтәрдә зур кызыксыну уятты. Республика Президенты Рөстәм Миңнеханов та әлеге вазгыятьне тикшерү бурычын куйды. Ул халык арасында коммуналь түләүләрдә зур аерманың ни сәбәпле килеп чыгуын аңлатырга кушты. Бу мәсьәләдә безнең районда эшләр ничек тора?
Районда яшәүчеләренең йортларындагы янгын куркынычсызлыгы мәсьәләсе беркайчан да көн тәртибеннән төшми. Салкыннар башлану белән аның актуальлеге тагын да арта. Югары Ослан районында агач йортта янгын чыгып, 4 кеше, шул исәптән ике бала һәлак була. Биектау районында ел башыннан исәпләгәндә генә дә 6 янгын очрагы теркәлде, аларда 1 кеше һәлак булды, тагын 1 кешегә зыян килде. Янгын куркынычсызлыгына кагылышлы вазгыятьнең катлаулы булуы сәбәпле, социаль яклау хезмәткәрләре Гадәттән тыш хәлләр министрлыгы һәм Эчке эшләр министрлыгының Биектау районындагы хезмәткәрләре белән берлектә электр һәм ягып җылытыла торган мичләрдән файдалану кагыйдәләренең ничек үтәлүен тикшерү максаты белән күп балалы гаиләләргә рейдлар уздыралар.
Дүшәмбе көнне район үзәк хастаханәсендә COVID-19дан массакүләм вакцинацияләү башланды. Әлегә прививка ясатырга теләүчеләр күп түгел, әмма белгечләр әйтүенчә, бу вакытлы күренеш кенә.
Фәрит Мөхәммәтшин Республиканың беренче Президентын дөньякүләм масштабтагы сәясәтче дип бәяләде.