ЯҢАЛЫКЛАР

Татарстан Цифрлаштыру министрлыгы командасы дәүләт хезмәтләре күрсәтүнең республика Порталында яңа сервисны гамәлгә ашырды. Хәзер республикада яшәүчеләрнең газ белән тәэмин итү буенча берничә минут эчендә бер тапкыр (ремонт) эшләрен түләү мөмкинлеге барлыкка килде. Сервиска сылтама – https://uslugi.tatarstan.ru/gas.

25 нче мартта илебездә Мәдәният хезмәткәрләре көне билгеләп үтелде. Биектау районында әлеге датага зур бәйрәм оештырдылар. Мәдәният халыктан аерылгысыз булганлыктан, чараны да Туган телләр һәм халыклар бердәмлеге елы кысаларында үткәрделәр. Бу көнне төрле милләт вәкилләре белән очрашырга һәм танышырга мөмкин булды.

Биектау районы туган тел һәм әдәбияты укытучыларының Идел буе дәүләт академиясе базасында узган “Туган тел” осталык дәресе Бөтенроссия конкурсының йомгаклау этабында беренче урынны алды. Конкурста рус, татар, мари, чуваш телләре - туган телләр укытучылары катнашты. Читтән торып уздырылган этап узган ел ук үткән иде, турыдан-туры катнаша торган этап пандемиягә бәйле рәвештә башка вакытка күчерелде һәм ул шушы көннәрдә генә тәмамланды. Безнең районнан бәйгедә Биектауның 4 нче гомуми урта белем бирү мәктәбенең рус теле һәм әдәбияты укытучысы Эльмира Әхмәтҗанова катнашты.

Яз айларында авыл буйлап машинада тавык, чебеш сатып йөрүчеләр күренә башлый. Ишек шакып керүчеләр тавыкның сәламәт булуы турында җырлап торса да, үкенерлек очраклар да булгалый.

Элек таза-сау йөреп тә, сәламәтлекләре какшау сәбәпле урын өстендә калган яшь ивалидлар, өлкән кешеләр байтак. Йөрәк таза, тәрбия яхшы булганда, андый кешеләрдә яшәү дәрте сүнми. Биектау районында якыннары, туганнары булмаган ялгыз өлкәннәр дә бар. Өлкәннәрнең яшәү шартларын яхшырту, аларның хәлен җиңеләйтү, аларны гаиләгә тарту максатыннан “Өмет” халыкка социаль ярдәм күрсәтү үзәге “Өлкәннәрне тәрбияләргә өйрәтү” мәктәбе проектын тормышка ашыра башлады.

Һәр кешенең яраткан шөгыле була. Кемдер чигәргә, тегәргә ярата, кемдер тәмле тортлар ясый, кемдер спорт белән шөгыльләнә... Ольга Марченко Бөреле урта мәктәбендә тарих һәм җәмгыять белеме укыта. Эштән бушаган вакытларында ул курчаклар ясарга ярата. Үзе яраткан шөгыльгә укучыларын да җәлеп итә. Үзенең яшь осталары белән бергә Ольга Марченко тукыма, салам, сәйлән һәм тагын бик күп төрле материаллар ярдәмендә берсеннән-берсе матур курчаклар иҗат итә.

Барның кадерен югалткач кына аңлыйсың диләр. Язлар белән бергә тормышыбыз да ямьләнә иде, тик, ни кызганыч, бер ел инде дөньяда коронавирус афәте хакимлек итә. Узган ел ул безнең тормышка яз белән бергә килеп керде.

Март тәмамланып килә, ә һава торышы безне һаман үзгәреп торуы белән гаҗәпләндерүен дәвам иттерә. Хәтта авыл хуҗалыгы тармагында эшләүчеләр дә иртәгә яки бер атнадан соң көннең нинди булачагын әйтеп бирә алмыйлар. Әмма, ничек кенә булмасын, язгы кыр эшләрен тулы әзерлектә каршыларга кирәк. “Соватех” һәм “Бөреле” хуҗалыкларында уздырылган семинар-киңәшмәдә хуҗалык җитәкчеләре һәм белгечләре эшкә әзерләнү үзенчәлекләре, беренче чиратта нәрсәгә игътибар итәргә кирәклеге турында фикер алыштылар.

“Биектау” Боз сараенда чираттагы абруйлы турнир узды. 2007 нче елгы үсмерләр арасында Татарстан Республикасы Беренчелегенең финал уеннары Биектау районында үткәрелде. Казаннан, Яр Чаллыдан, Җәлилдән һәм Биектаудан республиканың иң көчле дүрт коллективы ике көн буена алтын медальләр өчен көрәштеләр.

Бүген Татарстанда фермер хәрәкәтенең 30 еллыгына багышланган тантаналы чара узды.