ЯҢАЛЫКЛАР

Бу мәкаләне язар алдыннан озак кына уйланып, икеләнеп йөрдем. Чөнки хәзер,  совет заманындагы кебек, газета-журнал язмаларына әллә ни игътибар бирүче юк, бигрәк тә алар татар телендә булсалар. Җаныңны сыкратып, күңелеңне борчып торган мәсьәлә уңай хәл ителми кала.

Татарстанда «Наркотикларсыз тормыш» шигаре астында наркотикларга каршы көрәш айлыгы бара. Казанда 110 меңнән артык студент белем ала. Башкалабыз чын мәгънәсендә ВУЗлар шәһәре исемен йөртә. Студентларның күпчелеген Казан Идел буе федераль университеты берләштерә.

Чәршәмбе көнне Халыклар дуслыгы йортында ТР Рәссамнар берлегенең XV корылтае булып узды. Корылтай эшендә Россия Рәссамнар берлеге секретаре, РФнең атказанган сәнгать эшлеклесе, Россия сәнгать академиясенең мөхбир-әгъзасы А. Греков, «Зур Идел»нең төбәк референты Е. Некрасова, ТР Президентының эчке сәясәт мәсьәләләре буенча департаментында бүлек мөдире Р.Гайнетдинов, ТР мәдәният министрының беренче урынбасары И.Әюпова һ.б. катнашты.

Кытайга быел бер-бер артлы берсеннән-берсе хәтәррәк тайфуннар һөҗүм итеп тора.  Ел башыннан «күк асты империясе» өстенә инде егермеләп тропик давыл ишелеп төште. Соңгылары – сентябрь ахырында ярсыган «Усаги» белән 7 октябрь көнге «Фитоу» тайфуннары аеруча да хәвефле булдылар.

Дәрвишләр бистәсендә урнашкан аң үсеше ягыннан артта калган балалар интернат-йортында килеп чыккан хәлгә битараф калган кеше булмагандыр, мөгаен. Бу хәбәр Татарстанда гына түгел, ә бөтен ил буенча зур таралыш алды. Башта хастаханәгә 24 бала китерелгән иде. Алга таба аларның саны һаман артып кына торды. Соңгы мәгълүматларга караганда, республиканың инфекция авырулары клиник хастаханәсендә хәзер 30 бала дәвалана. Моннан тыш, интернатның 13 хезмәткәре дә хастаханәгә салынган.

Биш баллдан торган билге системасында иң кайнар бәхәс чыгарганы, мөгаен «2»ле билгеседер. Соңгы елларда «2»ле журналга һәм көндәлеккә генә түгел, ни кызганыч, баланың муенына элмәк булып та төшә башлады.

Мондый гайре табигый хәлләр зур түрәләрне дә пошаманга салды. Шуңа «2»ле бәласен педагогларга аударып: «Укытучы «2»лене укучыга түгел, ә үз хезмәтенә куя», – дип нәтиҗә ясадылар. Яңа уку елы башлангач, «икеле» мәсьәләсе тагын өскә калыкты: әлеге дә баягы, куяргамы аны, куймаскамы?