ЯҢАЛЫКЛАР

Бүген Иннополис университеты киңкүләм төстә “беренче карлыгачлар”ын чыгарды – биредә бакалавр һәм магистрларга диплом тапшыру тантанасы узды. Чарада Россиянең элемтә һәм массакүләм коммуникацияләр министры Николай Никифоров, Татарстан Республикасы Президенты вазифаларын вакытлыча башкаручы Рөстәм Миңнеханов, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, Иннополис университеты ректоры Александр Тормасов катнашты. Бүген 21 бакалавр һәм 17 магистр мәгълүмати технологияләр өлкәсендә дипломнар алды.

Бүген ТРның Югары Ослан районында Иннополисны сәгатенә 20 мең кубометрга кадәр күләмдә "зәңгәр ягулык" белән тәэмин итәчәк газүткәргечне һәм бер автоматлаштырылган газ бүлгеч станцияне файдалануга тапшыру тантанасы булды. Бүгенге вакыйга белән "Газпром" ААҖ тормышка ашыра торган "Елизаветино торак пунктына кадәр газүткәргеч" инвестицион проектының беренче этабын тәмамланды.

Бүген "Газпром" гавами акционерлык җәмгыяте Идарәсе рәисе Алексей Миллер Татарстан Республикасыга эш сәфәре кысаларында, Иннополис шәһәре һәм университетында булды.

Коркачык башлангыч мәктәбе каршында спорт мәйданчыгы булдырылды. "Таттелеком" элемтә челтәре көче белән мәйданчыкта турник, боскетбол щиты урнаштырылды, бруслар, лабиринт куелды. "Тателеком" элемтә челтәре эшчеләре балаларга чын бәйрәм бүләк итте. Алар белән төрле уеннар оештырдылар, бүләкләр тапшырдылар.