ЯҢАЛЫКЛАР

Олы Битаман мәктәбе укучылары Өлкәннәрне бәйрәмнәре белән өйләренә йөреп котладылар

02 октябрь көнне Кече Битаман клубы һәм китапханә хезмәткәрләре өлкән буынны чәй табыны әзерләп, концертка чакырдылар.

01 октябрь көнне Ямаширмә авыл җирлегендә агач утырту көне булып узды.

Ямаширмә мәдәният йорты каршында эшләп килгән "Чияләр" фольклор ансамбле составының төп өлеше өлкән буын вәкилләреннән тора.Шуңа да  коллектив үзләренең бәйрәмнәрен матур табын артында  җырлап- биеп уздырдылар. 

01 октябрь көнне олы Битаман авылнда Агач утырту көне узды.

Алан-Бәксәр авыл җирлегендә агач утырту көннәре үтте. 1 октябрь көнне Алан-Бәксәр мәктәбе, "Көлкәй" балалар бакчасы, Гәр башлангыч мәктәбе коллетивлары агач утыртты, 2 октябрьдә бу изге эшкә авыл җирлеге, мәдәният йорты, китапханә эшчеләре һәм авыл кешеләре кушылды. Ике көндә барысы 50 шәр төп нарат, карагай, гади чыршы, 30 ар төп алмагач, дүле агачлары, 30 төп артыш куагы утыртылды. Моннан тыш мәдәният йорты һәм авыл җирлеге биналары янында 10 төп зәңгәр чыршы  үз урынын тапты.

1 октябрь көнне Алан-Бәксәр авыл җирлегендә өлкәннәр көне уңаеннан бәйрәм чаралары башланып китте. Алан-Бәксәр һәм Алат спиртзаводы авылларында яшәүче пенсионерларны традиция буенча Алан-Бәксәр мәктәбенә дәштек. Ветераннар өчен мәктәп, балалар бакчасы һәм мәдәният йорты коллективлары зур концерт әзерләгәннәр иде. Концерттан соң, килгән кунакларны мәктәп ашханәсенә дәштек - монда аларны авыл җирлеге һәм спонсорлар көче белән әзерләнгән бәйрәм табыны көтә иде. Өлкәннәребез рәхәтләнеп узара сөйләшеп, рус һәм татар телләрендә җырлар җырлап, тәмле ризыклар белән сыйланып утырдылар. Аларны бәйрәм белән Алан-Бәксәр авыл җирлеге башлыгы Зөһрә Гарифуллина, ветераннар советы рәисе Наил Кәлимуллин, мәктәп директоры Надежда Галимҗанова һәм озак еллар җирлек башлыгы булып эшләгән Ригина Батршина котладылар. Ветераннарыбыз өйләренә бик канәгать булып таралыштылар. Шундый ук чара 3 октябрь көнне Гәр һәм Шөмлән авылларында яшәүчеләр өчен Гәр башлангыч мәктәбендә үтәчәк.

1 октябрь көнне иртәдән Алан-Бәксәр авылында урнашкан Ашыт урманчылыгы (Ислейтар урман хуҗалыгы филиалы) районның авыл җирлекләренә, бюджет оешмаларына ылыслы агач үсентеләре өләште. Карагай, нарат һәм гади чыршы үсентеләре Саба урман хуҗалыгыннан кайтарылган булса, зәңгәр чыршы үсентеләре Ашыт урманчылыгы территориясендә урнашкан питомникта үстерелгән. Урманчылар аларны җирдән казып алып бирделәр. Утырту материаллары югары сыйфатлы иде, алар районыбызның төрле почмакларында берничә елдан матур агачлар булып үсеп җитешерләр дип ышанып калабыз.