Ислейтар урман хуҗалыгының филиалы Ашыт урманчылыгы районыбызның авыл җирлекләрен һәм башка бюджет оешмаларын ылыслы агач усентеләре белән тэимин итте.

1 октябрь көнне иртәдән Алан-Бәксәр авылында урнашкан Ашыт урманчылыгы (Ислейтар урман хуҗалыгы филиалы) районның авыл җирлекләренә, бюджет оешмаларына ылыслы агач үсентеләре өләште. Карагай, нарат һәм гади чыршы үсентеләре Саба урман хуҗалыгыннан кайтарылган булса, зәңгәр чыршы үсентеләре Ашыт урманчылыгы территориясендә урнашкан питомникта үстерелгән. Урманчылар аларны җирдән казып алып бирделәр. Утырту материаллары югары сыйфатлы иде, алар районыбызның төрле почмакларында берничә елдан матур агачлар булып үсеп җитешерләр дип ышанып калабыз.