ЯҢАЛЫКЛАР
Кытай календаре буенча 2021 нче ел - Үгез елы. Ел символы, әлбәттә, һәр йортта да булачак. Рәсемме ул, уенчыкмы, ябыштырыла торган әйберме - монысы әллә ни мөһим түгел. Шат күңеллеме, усал карашлымы - кыяфәте белән генә үгез булсын. Ә чын үгезләр нинди булалар соң?
Биектау районының Җиңү паркында Яңа ел чыршысы ачылуга багышланган тантана булып узды. Әкият геройлары бәйрәм кунакларын күз явыңны алырлык матур киемнәре һәм мавыктыргыч тамашалары белән сөендерделәр.
Бер аягың - машинада, икенчесе балалар бакчасында. Балаларын бакчага яки мәктәпкә китерүче әти-әниләр нәкъ менә шушындый кагыйдә буенча яшиләр. Юл хәрәкәтендә катнашучыларга, руль артындагыларга һәм җәяүлеләргә шундый җавапсыз мөнәсәбәт юл-транспорт фаҗигаләре һәм юлларда зыян күргән балалар турындагы күңелсез яңалыкларны тудыра.
Соңгы ике айда Роспотребнадзор вәкилләре районның мәктәп ашханәләрендә планлаштырылмаган 8 тикшерү алып барды. Алар барысы да прокуратура белән килештерелеп эшләнде. Дүрт мәктәп директорына беркетмәләр язылды.
Нәни чыршыга кышын бик салкын, без аны урманнан өйгә алып кайттык. Әйе, зур һәм кечкенә чыршылар Биектау районындагы йортларга һәм оешмаларга нәкъ менә шушыннан, Ислейтар урман хуҗалыгыннан җибәрелә дә инде.
Яңа ел һәм Раштуа бәйрәмнәре көннәрендә яшүсмерләр генә түгел, хәтта өлкәннәр дә бик популяр булган пиротехник чараларны кулланырга ярата. Әмма аларны кулланганда, бәхетсезлек очракларын булдырмас өчен, янгын куркынычсызлыгы кагыйдәләрен һәм аларны гамәлгә кертү кагыйдәләрен истә тотарга һәм тайпылышсыз үтәргә кирәк. Кызганыч, пиротехниканы кулланган вакытта зыян күргән кешеләр саны да елдан-ел арта бара. Узган ел гына да Татарстанда, шул исәптән Биектау районында да, 14 кеше төрле дәрәҗәдәге тән җәрәхәтләре алды. Безнең бүгенге “Актуаль әңгәмә” рубрикасы кунагы Биектау районы янгын күзәтүе һәм профилактик эшләр бүлеге башлыгы Алексей Разгулов.
Биектау районында мәктәпләрдә балаларны кайнар ашлар белән тукландыруны тикшерү буенча рейдлар дәвам итә. Башкарма комитет вәкилләре белән берлектә без ризыкларның җылылык дәрәҗәсен, кухняда тиешле нормаларның үтәлүен, шулай ук коронавируска каршы чаралар күрелүен тикшерәбез. Бу юлы без Биектауның 2 нче гомуми урта белем бирү мәктәбенә юл тоттык.
Коронавирус таралу белән бәйле булган катлаулы чорда кеше гомере, аларның иминлеге сагында торучы район табиблары турындагы язмаларыбызны дәвам итәбез. Үзенең катлаулы эшенә җаваплы караган, ярдәм кулы сузарга әзер булган табиблар байтак районыбызда. Бүгенге сүзебез Дөбьяз авылы участок хастаханәсе яшь табибы Гөлназ Садыйкова турында. Ул хастаханәдә иң яшь белгечләрнең берсе. Килеп эшли башлавына да нибары 2 ел ярым гына. Шуңа да карамастан, хастаханә җитәкчелеге, коллегалары гына түгел, дөбьязлылар һәм күрше-тирә авыллардан килеп дәваланучы кешеләр дә аны хөрмәт итә, ярата, аның белән киңәшләшә. Ул кечкенәдән үк табиб булырга хыяллана. Әмма кечкенә чагындагы якты хыялдан чынбарлык күпкә аерылганын ул эшли башлагач кына аңлый.
Билгеле булганча, Татарстан Республикасында битлек режимын 2022 нче елга кадәр озайттылар. Шуңа бәйле рәвештә полиция хезмәткәрләре тәртип бозучыларны ачыклау буенча рейдлар уздырып торалар. Биектау районында андый рейдлар көн саен үткәрелә.
Тиздән балаларның кышкы каникуллары башланачак. Әлеге чорда гадәттә балалар катнашында юлтранспорт һәлакәтләре ешаеп китә, чөнки балалар күп вакытларын саф һавада уздыралар. Әлеге чорда барлык белем бирү учреждениеләрендә үткәрелә торган төрле чаралар фаҗигаләрне булдырмый калырга ярдәм итә.