ЯҢАЛЫКЛАР

Агымдагы атнада Татарстан республикасында Гадәттән тыш хәлләр министрлыгының киң күләмле өйрәнүләре уздырылды. Өч көн буена янгын-коткару гарнизоннары стихиягә каршы көрәш күнекмәләрен сынап карадылар. Өйрәнү- күнегүләр уздыру чаралары Биектау районы территориясендә тәмамланды.

Татарстан Республикасы Авыл хуҗалыгы һәм азык-төлек министрлыгы хәбәр иткәнчә, Татарстан Республикасы агымдагы елның март аенда «Меркурий» электрон ветеринария сертификациясе системасы белән эшләү буенча лидерлар бишлегенә керде.

Сиптергечләрне мониторинглау сервисы Татарстан Республикасында уңышны арттыру һәм кырларның сиптергечләр белән берничә мәртәбә эшкәртелүен контрольдә тоту өчен булдырылган. Системага тоташучы хуҗалыклар дәүләт ярдәменең югары коэффициентына ия булачаклар.

Бүген икмәк-кондитер комбинаты арыш-бодай оныннан формалы икмәк җитештерү буенча яңа линия ачты. Бу «Икмәк-кондитер комбинаты» АҖенең(«Ак Барс» холдинг компанияләре төркеменә керә) җитештерү куәтләрен модернизацияләү һәм реконструкцияләү буенча зур масштаблы проектның беренче этабы булды, ул СМП Банкның стратегик финанс ярдәме белән уңышлы гамәлгә ашырылды. Линияне урнаштыру һәм файдалануга тапшыру бәясе 56,5 млн. сум тәшкил итә. Модернизацияләүнең гомуми бюджеты 254 млн. сум дип бәяләнә.

1950 нче елдан башлап, 7 нче апрельдә ел саен Бөтендөнья сәламәтлек көне билгеләп үтелә. Әле һаман көн тәртибеннән төшмәгән коронавирус пандемиясенә бәйле рәвештә бу көннең әһәмияте тагын да артты. Биектау районында аны барлык оешмаларда да билгеләп үттеләр.

Татарстан Президенты Рөстәм Миңнеханов инициативасы белән башланган “Безнең ишегалды” программасы ике ел инде тулы куәтенә үз эшен дәвам итә. Искәртеп үтәбез, моңа охшаш проект Россиянең бер генә төбәгендә дә юк. Эшләр республиканың эре шәһәрләрендә генә түгел, район үзәкләрендә һәм бистәләрдә, авылларда да актив рәвештә бара. Программа кысаларында Биектау районында дистәләгән ишегалды ремонтланды һәм алга таба да эш дәвам итәчәк. Төзекләндерелгәннән соң танымаслык булып үзгәргән ишегаллары белән без газета укучыларыбызны узган ел таныштырып барган идек инде. Бу эшне быел да дәвам итәчәкбез.

Бу юлы без Биектау авылында кар эрүдән барлыкка килгән зур-зур күлләвекләрне эзләп киттек. Болар җәяүлеләр йөри, машиналар уза һәм халык теленнән төшми күп сөйләнелә торган урыннар иде. Безнең чыгарылыштан соң редакция адресына тагын бер күренешне төшереп җибәрделәр. Монысында балыкның эрерәге эләкте. Биектау авылындагы Дача урамында яшәүчеләр су өстендә яшиләр икән. Моның шулай икәнлеген без үзебез дә күрдек.

Биектау районының яшь хоккейчылары республика беренчелегенә уздырылган ярышларда алтын медальләргә лаек булдылар. Билгеле булганча, Кукмараның “Олимп” Боз сараенда 2008 елгы үсмерләр командалары арасында хоккей буенча Татарстан беренчелегенә ярымфинал һәм финал ярышлары үткәрелде.

Биектау районы тхэквондочылары Россиядә иң көчлеләрдән санала. Район җыелма командасы республикакүләм ярышларда гына түгел, Бөтенроссия дәрәҗәсендә уздырыла торган турнирларда җиңү яулый. Соңгы тапкыр Мәскәү өлкәсендә узган бәйгедә Биектау командасы Татарстаннан бердәнбер команда иде.

Банк карталарыннан акча урлау мәсьәләсе бер дә үзенең актуальлеген югалтмый. Ни өчен алай була соң ул, аннан ничек сакланырга? Шушы һәм башка сорауларга җавап табу өчен без Биектау районы прокуроры урынбасары Антон ВАСЮТИН белән очраштык.