ЯҢАЛЫКЛАР
Биектау районының Г.Баруди исемендәге 4 нче урта мәктәпбендә “Куркынычсызлык тәгәрмәче-2021” бәйгесенең муниципаль этабы узды. Бу бәйге юлларда куркынычсызлык кагыйдәләрен үтәү һәм аларны өйрәнү өчен ел саен оештырыла. Республикада ярышлар инде бишенче тапкыр үткәрелә. Беренче тапкыр ул моннан 35 ел элек, 1986 елда булган. Икенче тапкыр егерме елдан соң оештырганнар. Аннан 2016 елга кадәр тагын тәнәфес булган.
18 яше тулган барлык гражданнар да диспансерлаштыру узарга тиешләр. 40 яшькә кадәр - өч елга бер тапкыр, 40тан соң - ел саен. Бу турыда күп кеше белә, әмма аңа игътибар итми. Медицина ярдәменә мохтаҗлык килеп туганда гына мөрәҗәгать итәләр. Зарури процедураны узуга без кешеләрне үз мисалыбызда җәлеп итәргә булдык.
Татарстанга эш визиты белән Саха (Якутия) Республикасы мәгариф системасы делегациясе килде. Сәфәрнең максаты - Татарстан Республикасы мәгариф системасы белән якыннанрак танышу, аны өйрәнү һәм тәҗрибә уртаклашу. Делегация әгъзалары республика шәһәр районнары мәктәпләрендә белем бирү методикасы белән танышалар, гуманитар һәм төгәл фәннәрне генә түгел, туган телне өйрәнү тәҗрибәсе белән дә кызыксыналар.
19 апрельдә 02:00 дән 11:00 гә кадәр Татарстан Республикасының эре телеүзәкләрендә – Казанда, Чаллыда, Түбән Камада, Лениногорскида, Биләрдә (Зур Алан), Шәмәрдәндә, Әлмәттә (Миңлебай) – радиотелевизион җайланмаларны планлы рәвештә профилактикалау планлаштырыла.
Татар халкының һәм Татарстан Республикасының дәүләтчелеге тарихы музеенда Казан шәһәре Почтасының 155 еллыгына багышланган «Сәлам Казаннан» күргәзмәсе ачылды. «Татарстан почтасы» УФПС партнерларның берсе булды.
2021 елның июнендә шәхси документларны цифрлы рәвештә саклау һәм күрсәтү өчен «ГосДоклар» яңа мобиль кушымтасын эшләтеп җибәрү планлаштырыла. Кушымта үз эшен тест режимында башлаячак. Бу хакта Россия цифрлы үсеш министрлыгының матбугат хезмәте хәбәр итә.
Казан дәүләт аграр университеты 17 апрельдә 14:00 сәгатьтә Татарстан Республикасы Авыл хуҗалыгы һәм азык-төлек министрлыгы ярдәме белән магистратурага һәм аспирантурага әзерләү юнәлешләренә керү мәсьәләләре буенча Ачык ишекләр көнен үткәрә.
Шимбә көнне, 17 апрельдә, Татарстан Республикасы Авыл хуҗалыгы һәм азык-төлек министрлыгы республика халкын Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексы) уза торган авыл хуҗалыгы ярминкәләренә чакыра, алар, гадәттәгечә, иртәнге сәгать 6да эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм башка фермер продукциясен арзанрак бәяләрдән сатып ала алалар.
Лилия Шагалиева башкорт шагыйре Газиз Әбделмәновның мәхәббәт темасына багышланган шигырен сөйләде.
5 көн буена сусыз. Биектау районының Дачный поселогында менә шундый хәл килеп туган. Яңа урамнарда яшәүчеләр коммуналь челтәргә мөрәҗәгать иткәннәр, әлбәттә, әмма анда эшләүчеләр шактый вакыт су бетүнең сәбәбенә, гаепнең кемдә булуына гына төшенә алмаганнар.