ЯҢАЛЫКЛАР

Район җитәкчелегенең халык белән очрашулары - теләсә кайсы җирлек тормышының аерылгысыз һәм кирәкле өлеше. Халык җыелышлары нәкъ менә шуннан гыйбарәт. Биредә катнашучы һәркем үзен кызыксындырган сорауларны җитәкчелеккә җиткерә һәм аларга җавап ишетә ала. Безнең районда җыелышлар төгәлләнде. Аларның соңгы өчесе 31 августта узды.

1 нче сентябрь - тәүге тапкыр мәктәп бусагасын атлап кергән һәр баланың күңелендә мәңгегә истә кала торган көн, чөнки аларның тормышында яңа чор - онытылмас мәктәп еллары башлана. Бөреле гомуми урта белем бирү мәктәбенең беренче сыйныф укучысы Дарья Антонова өчен ул бигрәк тә әһәмиятле булды , чөнки Дарья укулар башланып китүне белдергән беренче кыңгырауны үз куллары белән шалтыратты.

“Әлдермешкә кайтам әле” җырының мәдәни тормышыбызга күңелле яңалык булып килеп кергәненә август аенда 25 ел тулды. Аны дөньяга Хәния Фәрхи танытты, җыр тәүге тапкыр башкарылу белән үк чын хитка әверелде. Ә җырның авторы Тәслимә Низами төп чыгышы белән Әлдермештән дә, хәтта Биектау районыннан да түгел.

Яңа уку елы башланыр алдыннан уку-язу әсбаплары һәм яңа дәреслекләр әзерләү, әлбәттә, иң көнүзәк мәсьәләләрнең берсе булып тора. Әмма шул ук вакытта гомуми урта белем алу мәктәбеннән тыш бик күп балалар өстәмә рәвештә спорт мәктәпләренә дә йөриләр. Биектау мәктәпләрендә укучы балалар спортның нинди төрләре белән бушлай шөгыльләнә алачаклар?

Республика һәм район җитәкчеләре үз алларына куйган төп бурычларның берсе - мәгарифне үстерү. Яшь белгечләрне җәлеп итү һәм мәгариф тармагында калдыру - Татарстан Республикасының, шулай ук безнең районның мәгариф системасындагы кадрлар сәясәтенең мөһим мәсьәләсе. Ел саен Биектау районында яңа белем бирү учреждениеләре барлыкка килә, яшь белгечләр эшли башлый, димәк, балаларга өстәмә белем бирү өчен яңа мөмкинлекләр ачыла.

Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов җитәкчелегендәге Икътисад министрлыгы делегациясе Биектау муниципаль районында булып китте. Эш сәфәренең төп максаты – сәнәгать паркы эшчәнлеге белән танышу һәм районның эшкуарлык җәмәгатьчелеге белән очрашу.

30 августта үзмәшгульләр Бауман урамында Татарстан Фәннәр академиясе янәшәсендә җыелачак. Биредә ярминкә узачак, анда алар үзләре җитештергән товарларны тәкъдим итә алачак. 31 август көнне форум кысаларында үзмәшгульлекне үстерүнең актуаль мәсьәләләре буенча фикер алышу максатында хакимият органнары һәм эшкуарлык җәмәгатьчелеге белән очрашулар узачак. 

Татарстанның ике эре предприятиесе Идел буе федераль округында иң яхшы экспортерлар арасына эләккән. Аларга «Ел экспортеры» россиякүләм премиясе бирелгән. Шулай ук призлы урыннарны Татарстан Республикасы кече һәм урта эшкуарлык вәкилләре дә алган.

Татарстан Республикасында авария хәлендәге һәм яшәү өчен яраксыз дип танылган торак фондыннан гражданнарны күчерү 2023 ел ахырына кадәр – планлаштырылган сроктан 2 елга алданрак тәмамланачак.

Россия Федерациясе Хөкүмәте урта һәм кече эшкуарлык субъектларына ярдәм итү буенча карар раслаган. Мондый субъектларның сатып алуларда катнашуының мәҗбүри өлеше артачак. Алардан сатып алуның гомуми еллык күләме 20% урынына 25% тәшкил итәчәк. Шул ук вакытта әлеге субъектлар гына катнаша ала торган сатып алулар нәтиҗәсендә алар белән төзелгән килешүләр бәясенең өлеше 18 проценттан 20 процентка кадәр артачак (кертелгән үзгәрешләрнең 1 пунктындагы "в" пунктчасының 3 абзацы).