ЯҢАЛЫКЛАР

9 февраль көнне Ямаширмә мәктәбендә 9-11 сыйныф укучылары һәм район советы депутатлары - Мохтаров Фәнил Камил улы һәм Закирова Гөлнара Равил кызы катнашында парламент сәгате узды. 

Дөбъяз мәдәният йортында авыл халкы өчен үзешчәннәр катнашында “  Дөбъязым – туган төбәгем” дип аталган әдәби-музыкаль кичә узды. Бу кичәдә мәдәният йорты каршында эшләп килүче төрле түгәрәкләргә йөрүчеләр катнашты. Кичә Д. Салиховның “ Кызлар капкыны”  пьесасыннан өзек белән башланып,  концерт номерлары белән аралашып алып барылды. Шулай ук өлкәннәр катнашында “ Әлмәндәр малайлары”  скетчын халык бик яратты. Яшь башкаручылар: Хамраев Әнвәр, Гибадуллин Альфред һәм Халиуллин Ильдар чыгышларын  тамашачылар басып алкышлады һәм кичәдә  катнашучыларга  кайнар рәхмәт сүзләрен җиткерде.

5нче февраль  көнне Әлдермеш авылы мәдәният йортында  мәктәпләрнең “Гаилә-дәүләт нигезе” дип исемләнгән зона тур бәйгесе узды.Бәйгедә 5 мәктәп көч сынашты. Коркачык авылыннан  Хәйруллиннар гаиләсе катнашып, 2 нче урынга лаек дип табылды.

Россия Федерациясенең2015 елның 13 июленнән № 257-ФЗ “Массакүләм мәгълүмат чаралары турында” законы һәм “Элемтә турында” РФ Федераль законы кысаларында “таттелеком” цифралы һәм аналог кабель телевиденияләрен телеканаллар тәртибен үзгрәтте.

 ТР Премьер-министры урынбасары - ТР мәгълүматлаштыру һәм элемтә министры Роман Шәйхетдинов сүзләренчә, Татарстанда дәүләт, муниципаль һәм коммерция секторы эшчәнлеген автоматлаштыру өчен бик күп төрле мәгълүмати системалар файдаланыла. Мисал өчен, ведомствоара документлар әйләнеше системасында 25 миллионнан артык документ бар. ЗАГС системасында исә 12,5 миллион документ теркәлгән. Электрон системаның һәркайсы электрон документларны эшкәртә, кайберләрен вакытлыча, кайсыларын исә даими саклауга калдыра. Әмма бу документларны архивка тапшыру зарур. Хәзерге вакытта эшкәртелгән документлар кәгазьгә бастырыла, имзалана, аларга мөһер сугыла һәм кәгазь рәвешендә архивка тапшырыла.

Татарстан Республикасының дәүләт һәм униципаль хезмәтләр Порталы аша 22 күпфункционал үзәккә язылып була.

Дөбъяз авылы китапханәсенең иң актив укучылары Дөбъяз авылында  урнашкан “ Сахтиян”  чигү фабрикасына экскурсия ясадылар. Экскурсиянең максаты-  балаларның эчке тормышын тулыландыру, татар халкының мәдәнияты белән таныштыру. Балалар чигүчеләрнең эшләре белән кызыксындылар, үзләренең төрле сорауларына җаваплар алдылар.

Дөбъяз авылы китапханәсендә “Нарктотиксыз- тормыш” дигән күргәзмә оештырылды. Күргәзмзәдәге эдәбият һәрвакыт  кулланышта -чөнки  мәктәп укытучылырыда, мәдәният хезмәткәрләредә  үзләренең эшләрендә  төрле  чаралар оештырганда  кулланалар