ЯҢАЛЫКЛАР

11 декабрь Мәмдәл авыл җирлегенә кергән Юртыш авылы мәчетендә мәүлид ашы узды.

Юртыш авылы халкы янәдән сулы булды. 5 декабрь су насосы эштән чыгу сәбәпле, бердәм авылдашлар белән 10 декабрь көнне яңа су насосы артезиан коесына төшерелде.

Мәмдәл авыл җирлегенә кергән Юртыш авылы боз мәйданчыгында хоккей уеннары башланды. 9 декабрь авыл яшьләре, 10 декабрь Өнсә командасына каршы көрәш барды. Кунакка Алат, Әлдермеш, Айбаш яшьләре командасы килү көтелә.

Инвалидлар декадасы уңаеннан, Мәмдәл мәдәният хезмәткәрләре, мөмкинлекләре чикләнгән өлкәннәрне өйләренә барып, матур теләкләрен теләп, быр-биюләрен бүләк итеп, хөрмәтләп кайттылар.

Алан-Бәксәр авыл җирлеге башлыгы Зөһрә Гарифуллина Мәскәү шәһәрендә узган авыл хатын-кызлары комитетының беренче утырышында катнашты. Бу мероприятие Россия Федерациясенең авыл хуҗалыгы министырлыгында узды. Бер төркем хатын-кыз җирлек башлыклары белән бергә Зөһрә Гарифуллина Россиянең авыл хуҗалыгы министры А.Н.Ткачевның рәхмәт хаты белән бүләкләнде.

7 декабрь көнне Алан-Бәксәр авыл җирлеге Советының чираттагы 26 утырышында Алан-Бәксәр авыл җирлегенең 2017 елга һәм 2018-2019 еллар план периодына бюджеты кабул ителде.

10 декабрь көнне "Йөрәктән йөрәккә" хәйрия марафоны төгәлләнде. Ул җирлегебездә 3 декабрь көнне старт алган иде. Марафон барышында 44420 сум акча җыелды. Бу мәрхәмәтлек акциясендә авыл халкы, мәктәп балалары, бюджет сферасында эшләүчеләр, җирлек депутатлары, оешма җитәкчеләре катнашты. Авыл җирлеге Советы исеменнән олы рәхмәтебезне төп хәйриячеләребез - Сабиров Айрат Илдар улына (НПП ГКС оешмасы директоры), Анастасов Георгий Николай улына (безнең җирлектән сайланган район Советы депутаты), Мухьянов Ренат Сәгыйт улына (ОАО "Татарстан күперләре" директоры), Ерусланова Лариса Иван кызына (шәһси эшмәкәр), Бәхтияров Марат Айрат улына (КФХ җитәкчесе), Сабирҗанов Эльнар Ринат улына (җирле Совет депутаты) һәм башкаларга җиткерәсебез килә. Барлык җыелган акчалар 6 физик мөмкинлеге чикле балага һәм бер гемодиализ алучы авыруга бүлеп бирелде. Шулай ук азык-төлек пакетлары әзерләнде һәм урын өстендә ятучы өлкән яшьтәге авыруларга өйләренә барып, хәлләрен белешеп шул пакетлар тапшырылды. 

11 декабрь көнне Суыксу авыл җирлегендә Мәүлид бәйрәме үтте.

Бүген, 12 декабрь көнне, Ямаширмә авыл мәчетендә мәүлет ашы булып узды. 

Сая башлангыч мәктәбендә Салих Сәйдәшевнең иҗаты белән танышу һәм искә алу кичәсе үткәрелде. Музей директоры Гөлназ Фаритовна тарафыннан укучыларга Салих Сәйдәшев турында презентация күрсәтелде.