ЯҢАЛЫКЛАР
Һәр елны, июль аеның икенче якшәмбесендә, илебездә Россия почтасы көнен билгеләп үтәләр. Быел бу бәйрәм 12 июльгә туры килә, ә рәсми рәвештә ул инде 27 нче тапкыр билгеләп үтелә.
Биектау районындагы ике балалар бакчасына берәр миллион сум акча биреләчәк. Биектау авылындагы “Петушок” һәм “Сандугач” балалар бакчалары консультация үзәкләре оештыруга 1 миллион сумлык грант ияләре булдылар. Мондый үзәкләр 0-3 яшьлек балалар үстерүче, тәрбиягә һәм медицинага кагылышлы мәсьәләләрдә консультация кирәк булган яшь әти-әниләргә, шулай ук, чират зур булганлыктан, балалары әлегә балалар бакчасына йөрмәүчеләргә ярдәм итү максатыннан оештырыла.
Биектау районына чираттагы эш визиты белән Татарстан Республикасының Яшьләр эшләре министры Дамир Фәттахов һәм аның урынбасары Ринат Садыйков килеп китте. Аларның килүенең максаты - булачак Яшьләр үзәге.
Күкрәк читлеге патологияләрен тану өчен ясалма интеллект технологиясен компьютер томографиясе формалары буенча республиканың тагын ике медицина учреждениесенә кертәчәкләр. Яңа эшләнмә 7нче Шәһәр клиник хастаханәсендә һәм Республика онкология диспансерында барлыкка киләчәк.
2020 елның февраленнән июнь аена кадәр ТР Дәүләт хезмәтләре Порталы аша республикада яшәүчеләр республика мәктәпләренең беренче сыйныфларына укырга керү өчен 3650 гариза биргән. Бу сан узган елның шул ук чоры күрсәткечләреннән 8,4 тапкыр артыграк.
Татарстанда барлыгы 119 объект балаларның җәйге ялын оештыру буенча заявка биргән. Быел республикада 183 мең бала актив ял итү программасында катнашырга тиеш булган. Әмма бу сан бүгенге көндә 83 меңгә калган.
Россия Федерациясе Конституциясенә төзәтмәләр кертү буенча сайлау участокларында гына түгел, башка урында да тавыш бирергә мөмкинлек тудырылды - теләге булган һәркем үзенең гражданлык позициясен өендә дә белдерә алды. Сайлау комиссиясе Галиевлар гаиләсе яши торган йортка да үзе килде. Тавыш биргәннән соң әле аларны көтелмәгән күңелле яңалык белән дә сөендерделәр.
Россия Конституциясенә төзәтмәләр кертү буенча сайлаулар 25 июньдә үк старт алган иде инде. Шул вакыт эчендә Биектау районында барлыгы 47 сайлау участогы эшләде.
Бүген Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык - төлек министры Марат Җәббаров «Татарстанда кыр көне - 2020» кыр форматындагы иң зур күргәзмәне ачты. Күргәзмә Лаеш районында уза һәм 4 июльгә кадәр дәвам итәчәк.
Бүген Татарстан Республикасы Авыл хуҗалыгы һәм азык – төлек министры урынбасары Ленар Гарипов Татарстанда кыр көне – 2020 күргәзмәсенең эшлекле программасы кысаларында терлекчелек буенча белгечләр белән түгәрәк өстәл үткәрде. Катнашучылар терлекләрне идентификацияләүнең актуаль мәсьәләләре, сөт терлекчелегендә прогрессив мәгълүмати технологияләр кертү, терлекләр үрчетүнең нәтиҗәлелеге, терлекләрне ашату һәм тоту технологиясе, шулай ук тармак өчен аеруча актуаль булган башка мәсьәләләр турында фикер алыштылар.