ЯҢАЛЫКЛАР
Бүген сәгать 21.00дә "Казан-Арена" стадионында «Рубин» (Казан шәһәре, Россия) – «Ливерпуль» (Ливерпуль шәһәре, Англия) матчы узачак. Матчка билетларны ТР дәүләт хезмәтләр Порталы һәм "Электрон Татарстан" информатлары аша алып була.
7 ноябрьдә Муса Җәлил исемендәге Татар академия дәүләт опера һәм балет театрында "Белоснежка и семь гномов" спектакле күрсәтеләчәк. Спектакльне Татарстан Республикасы муниципаль районнарыннан балалар йортларында тәрбияләнүче балалар, тормышта авыр хәлдә калган балалар карыячак.
Татарстанда узган ел белән чагыштырганда бу елның 9 ай нәтиҗәләре буенча җинаять саннары 13,3% арткан.
Томскида 26-29 октябрьдә яшь геологларның Бөтенроссия ачык олимпиадасы төгәлләнде. Анда Татарстан данын Казаннан “Селенит” һәм Түбән Камадан “Азурит” командалары яклады. Ярыш нәтиҗәләре буенча гомуми команда исәбендә Түбән Камадан "Азурит" командасы 2 урын, Казаннан "Селенит" командасы 3 урын яулады. Беренче урынга олимпиада хуҗалары - Томск шәһәренең яшь геологлары лаек дип табылды.
2015 елның 2 ноябрендә "Костер" республика балаларны сәламәтләндерү-белем бирү үзәгендә "SаMоSтоятельные дети" республикакүләм наркотикларга каршы проектның профиль сменасы башланып китте. Сменада республика районнарыннан 14-16 яшьлек иң актив укучылар җыелды. Смена "Дуслык әлифбасы" дип аталган девиз астында узачак.
Укучыларның белемнәрен арттыру максатыннан Татарстан Республикасы Мәгариф һәм фән министрлыгы, Россия Федерациясенең Татарстан Республикасы буенча наркотиклар әйләнешен контрольдә тоту оешмасы белән берлектә 3 нче ноябрьда «Белергә хокукым бар!” дип исемләнгән видеоконференция рәвешендә республикакүләм наркотикларга каршы дәрес үткәрде.