ЯҢАЛЫКЛАР

Татарстан  Республикасы Авыл хуҗалыгы  һәм азык-төлек  министрлыгы Татарстанда  “Безнең Татарстан. Мөмкинлекләр  территориясе” X Республика яшьләр форумына заявкалар кабул итә башлау турында  хәбәр  итә.   Форумның яңа  сезонында  иң яхшы  проектларны  гамәлгә ашыруга  300 мең сумга  кадәр акча  биреләчәк. 

Бүген  Кукмара  районы тәүлеклек  сөт  җитештерү  күләмен   300 тоннадан  арттырып җибәрде.    Кукмара  районы  хезмәтчәннәре  үзләренең  көндәлек  тырыш хезмәтләре  белән  тарихта  беренче  мәртәбә  һәм  Татарстан  Республикасы районнары арасында  беренче  булып, республикада  иң аз авыл  хуҗалыгы      җирләре  булган  килеш,    тәүлеклек  тулаем сөт савымын  300 тоннадан  арттырып  җибәрде. 

Бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат Җәббаров  Татарстанның  авыл  хуҗалыгы  җитештерүчеләре продукциясен  сәүдә  челәтәрләренә чыгару  мәсьәләсе  буенча  киңәшмә  җыйды.   Чарада  Татарстан  Республикасы сәнәгать һәм сәүдә     министры  урынбасары    Герман Лернер, Татарстан  диния  нәзарәтенең “Хәләл” стандарт   комитеты  рәисе Ирек Тиһаншин,   «Х5 Retail Group»,   «Тандер» (Магнит) ҖЧҖ,   «Лента» СҮ  (ТЦ),  «Зельгрос» СҮ,   «Бәхетле» ҖЧҖ,   «Эдельвейс» СК” АҖ  ваклап  сату компанияләре вәкилләре һәм Татарстан  авыл  хуҗалыгы  җитештерүчеләре катнашты.   

28 гыйнварда  Россия  Федерациясе    авыл  хуҗалыгы  министрының беренче   урынбасары   Джамбулат Хатуов    җитен  җитештерү  мәсьәләләре  буенча  видеоконференция режимында   киңәшмә уздырды. Чарада  Татарстан Республикасы  авыл  хуҗалыгы  һәм азык-төлек  министры  урынбасары    Марсель Мәхмутов, Татарстан  Республикасы Авыл хуҗалыгы  һәм азык-төлек  министрлыгының игенчелек  тармакларын  үстерү  бүлеге  башлыгы    Ирек Садыйков,  «Госсортокомиссия» ФДБУнең Татарстан  Республикасы филиалы  башлыгы    Виталий Новичков,   «Росия  авыл  хуҗалыгы  үзәге» ФДБУнең Татарстан  Республикасы филиалы  җитәкчесе  Вәгыйз Минһаҗев, «Россия  авыл  хуҗалыгы  үзәге» ФДБУнең Татарстан  Республикасы филиалы  җитәкчесе   урынбасары Рафис Хәбибуллин,   «Татарский» ЦАС” ФДБУ директоры Әнәс Локманов, шулай  ук  Татарстанда  җитен  җитештерүче  оешмалар  җитәкчеләре катнашты.  

Красносельский авыл җирлеге - Биектау районының үзәге. Гражданнар җыенына халыкның бик күп килүенә дә бер дә гаҗәпләнерлек түгел. Ни дисәң дә, авыл җыены власть вәкилләре белән халык арасында үзенчәлекле күпер булып, аларны тоташтырып тора. Менә шундый очрашулар вакытында кешеләр үзләрен кызыксындырган сорауларны турыдантуры бирә, көн кадагына сугучы проблемаларны кузгата, авылны төзекләндерү буенча теләк-киңәшләрен әйтә алалар.

Әхмәтһади һәм Садри Максуди - татар дөньясы иҗтимагый-сәяси тормышында күренекле шәхесләр. Алар тумышлары белән безнең яклардан. Абыйлы-энеле Максудилар Ташсу авылында туып үсә. Күптән түгел Суыксу авылында татар тарихында күренекле эз калдырган Максудиларга багышланган фәнни-гамәли конференция уздырылды.

Ятимлек... Күпме сабыйның язмышында мәңге төзәлмәс яра салган, өметхыялларын челпәрәмә китергән аның ачысы... “Ятимнең башыннан сыйпасаң гына да, башындагы чәч санынча савап булыр” дигән пәйгәмбәребез Мөхәммәд. Шөкер, арабызда яралы шул йөрәкләрне күкрәгенә алып сөйгән, ихлас күңелле, мәрхәмәтле, риясыз җаннар да бар дип юанабыз. Алар Дөбьяз җирлегендә дә гомер кичерә. Бу көннәрдә авыл мәдәният йортында “Я бер Раббым, көчләр бирсәң иде сынауларга каршы торырга” дип исемләнгән кичә узды. Аның төп геройлары - ятим баланы сыендырган, ата-ана җылысын биргән, киң күңелле, сабыр холыклы якташларыбыз. Бүгенге әңгәмәдәшебез - әлеге чараны оештыручы, Дөбьяз җирлегендәге ветераннар советы рәисе Илсөя Мөхәммәтгалеева.

Китапларда язылган, җырларда җырланган күренекле Әлдермеш - Биектау районының хәзинәсе ул. Җирлекнең табигате бу якларга бик күп кешене җәлеп итеп, ымсындырып тора. Чөнки ул үзенең данлыклы атамасы белән генә түгел, гаҗәеп матур урынга урнашкан булуы белән дә игътибар үзәгеннән төшми.

25 гыйнварда Биектау районы Семиозерка авыл җирлегендә халык җыены уздырылды. Районда бара торган барлык җыеннардагы кебек үк, биредә дә очрашу Биектау районының 2019 елда ирешкән уңышларына багышланган фильм күрсәтү белән башланып китте. Район казанышларыннан хәбәрдар булган кешеләр белән сөйләшүе дә җиңелрәк бара.

Татарстан Республикасы хөкүмәте йортында “Иң яхшы Яңа ел бизәлеше” бәйгесенә йомгак ясалды. Призлы урыннарга ия булган авыл районнары арасында Биектау районы да бар. Быелгы конкурсның үзенчәлеге - ул ТАССРның 100 еллыгына багышланды. Җиңүчеләрне Татарстан Президенты Рөстәм Миңнеханов котлады.