ЯҢАЛЫКЛАР

2020  елның  25 июнендә  билгеләп  үтеләчәк  Татарстан АССР төзелүнең 100 еллыгына  багышланган “Татарстан  Республикасының 100 легендар  бренды”  дигән  киң масштаблы  халык  тавыш  бирүе  проекты  башлана.     Ул  Республиканың  үткәнен, бүгенгесен  һәм киләчәген бәйли.   

Хәзерге Казаклар авыл җирлегенең тарихы, Биектау районының башка авыл җирлекләре кебек үк, ХХ гасырның 30 нчы елларыннан башлана. Ул чакта Казаклар авылында беренче тапкыр колхоз оеша башлый. Кешеләрнең бу эшне хуплап каршыламаулары билгеле. Моның сәбәбе - авыл территорияләренең зур булуы. Биредә һәр хуҗалыкта төрле урыннарга урнашкан 4әр гектар җир була.

Татарстан  Республикасы Авыл хуҗалыгы  һәм азык-төлек  министрлыгы агросәнәгать комплексы  өлкәсендә  фәнни тикшеренүләргә  һәм  эшләнмәләргә    грантлар алу өчен   конкурста  катнашуга  заявкалар  кабул  итә  башлавы  турында  хәбәр  итә.  

Республикада  авыл  хуҗалыгы кооперациясен үстерүгә  Татарстан  Республикасы Авыл хуҗалыгы  һәм азык-төлек  министрлыгы тарафыннан  зур  игътибар бирелә.    Кооперативка кергән фермерлар  өчен  шактый  өстенлекләр  каралган.   Беренчедән, бу  - авыл  хуҗалыгы  продукциясен  җитештерү,  эшкәртү, саклау буенча  көчләрне  берләштерү  исәбенә  табышлылыкны  арттыру. Икенчедән, кредит  ресурсларыннан  файдалану  мөмкинлеге,  өченчедән,  эре  төбәк  һәм  федераль сәүдә  челтәрләренә  чыгу  мөмкинлеге.   Әмма  кооперативның  уңышлы  эшләве  өчен   аның  белән  нәтиҗәле  идарә итә белергә  кирәк.   Барлык  теләүчеләрне  «Кооператив идарәче» модуль экспресс-курсы  кысаларында  нәкъ менә шуңа  өйрәтәләр. 

Борынгырак заманнарда кызлар төрле юрамышлар, багулар, фараз итүләр белән үзләренә насыйп ярның, кияү егетенең кем булачагын белергә омтылганнар, күрәзәчеләргә дә мөрәҗәгать иткәннәр. Хәзерге заманда болар бары бер мәзәк кенә булып тоела. Киләчәккә күз салу һәрвакытта да кызыксыну уяткан. Әмма табигатьтән өстен серле көчләргә ы ш а н у б и г р ә к т ә христианнарның Святки атналыгында кулай саналган. Бу - Раштуа белән Хач ману арасындагы вакыт. Болар барысы да биюләр, җырлар һәм пилмән пешерү кичәсе белән тәмамланган.

Узган атнада Теләче районында «Татар моңы» XI яшь башкаручылар фестиваленең сайлап алу этабы узды. Мәртәбәле бәйгедә безнең җыр-моң сөюче якташларыбыз да катнашты. Биектаулыларның уңышлы чыгышларын жюри әгьзалары югары бәяләде. Җырчы кызыбыз Алинә Гыйльметдинова «халык җыры», талантлы егетебез Рәмис Габделхәев «эстрада жыры» номинацияләрендә икенче этапка үттеләр. Бүгенге әңгәмәбез кунагы - танылган җырчы Алинә Гыйльметдинова.

Районның күптән түгел ачылган чаңгы базасында беренче тапкыр район күләмендә чаңгы ярышлары узды. Анда район беренчелегенә 17 мәктәптән килгән 100дән артык укучы ярышты. Яшь чаңгычыларга көчдәрт биреп торырга район җитәкчелеге дә килгән иде. Укучылар алдында сәламләү сүзе белән район башкарма комитеты җитәкчесенең социаль мәсьәләләр буенча урынбасары Ринат Сабирҗанов чыгыш ясады.

Район авылларында халык җыеннары уздыру кампаниясе бара. Елына ике тапкыр уздырыла торган җыеннарның һәрберсендә уртага салып сөйләшер мәсьәләләр байтак була. Бу атнада Әлдермеш һәм Айбаш авылларында халык җыеннары узды. Җыеннарда район җитәкчелеге дә катнашты. Әлдермеш авылы халкы активлыгы белән аерылып тора. Мондый чараларда авыл мәдәният йорты халык белән шыгрым тулы була. Чөнки җыеннарда гына бердәм фикер алышып, проблемаларны барлап, аларны чишү юлларын билгеләргә була. Бу юлы да авыл халкы эшләнгән эшләргә йомгак ясап, агымдагы елга планнар төзеп куйды.

2020 елда мөһим вакыйга булачак - Бөек Ватан сугышында Җиңүнең 75 еллыгы билгеләп үтеләчәк. Ватаныбызның якты киләчәге өчен егерме алты миллионнан артык кеше гомерләрен корбан итте. Иксезчиксез илебезнең бер генә гаиләсенә дә Бөек Ватан сугышы җиле кагылмый үтмәде. Һәр йортның да үз тарихы, анда туганнарының һәм якыннарының фотосурәтләре, башка ядкарьләре кадерләп саклана. Сугыш каһарманнары - безнең буынның горурлыгы. Шундый геройларның берсе - Мансур Мөлеков. Ул Дан орденнары кавалеры, Берлинга барып җиткән солдат, безнең якташыбыз.

Биектау районы авылларында халык җыеннары башланды. Һәр елның гыйнвар аенда, гадәттәгечә, авыл халкы район җитәкчелеге белән бергәләп узган елгы эшләргә йомгак ясый, агымдагы елга планнар билгели.