ЯҢАЛЫКЛАР

Узган атнада Мүлмәдә Рөстәм Гарәфиев истәлегенә милли көрәш турниры узды. Рөстәм Әнвәр улы гомере буена физкультура укытучысы булып эшләде. Укучыларында ул спортка мәхәббәт, сәламәт яшәү рәвешенә омтылыш тәрбияләде. Ул бик көчле көрәшче дә иде, милли көрәш бәйгеләрендә һәрвакыт призлы урыннар яулап килде. Ул тәрбияләгән спортчылар яхшы көрәшчеләр булып танылдылар. Моннан 30 еллап элек Рөстәм Гарәфиевнең йөрәге тибүдән туктады, әмма аны туган авылында да, башка төбәкләрдә дә әле дә яраталар һәм онытмыйлар. Мүлмәдәге турнирга Биектау районының 15 мәктәбеннән 100ләп спортчы җыелды.

Бөек Җиңүнең 75 еллыгы алдыннан без Бөек Ватан сугышы ветераннары турында язуыбызны дәвам иттерәбез. Бу юлы безгә үзенең әтисе турында Биектау авылында яшәүче Александр Савельев сөйләде.

Олы Битаман авылында халык җыены узды. Авыл халкы, бердәм булып, клубка бер ел эчендә эшләнгән эшләргә йомгак ясарга, агымдагысына планнар билгеләргә җыелды.

Заманалар авыр диләр, кем күтәреп караган, дигән бик мәгънәле сүзләр бар. Сүз сугыш еллары, сугыш арты еллары авырлыгы турында бара. Дөньяны ул чорда безнең әбиләр, бабайлар, әтиләр, әниләр күтәргән, сөякләре дә ныгымаган, көч тә туплап өлгермәгән балалар күтәргән. Райондашыбыз Мөршидә Бадиговага узган елның 14 ноябрендә 95 яшь тулды. Күптән түгел ул Әтнә районыннан Биектау районына күчеп килде. Өлкән яшьтәге кешеләрнең кайсын гына алма, бала чакта, сугыш елларында күргәннәрен бәйнә-бәйнә сөйләп бирә алар. Чөнки алар ул елларның авырлыгын бүген дә йөрәкләрендә, хәтерләрендә, күңел түрендә күтәреп йөри.

Татарстанда авыл хуҗалыгы җитештерчеләре 2020 ел уңышы өчен минераль ашламалар сатып алуга бюджет акчалары алырга мөмкин. Бу акчаларны гектарга 35 кг ашлама туплаган хуҗалыклар ала. Быел бер гектарга 70 кг ашлама туплау бурычы куелды. Шуңа күрә түбән күрсәткечле районнарга активлашырга кирәк.

8 нче февраль - Россия фәне көне. Биектауның 1 нче гомуми урта белем бирү мәктәбенең 85 еллык юбилеен нәкъ менә шушы көнне бәйрәм итүе дә үзенә бер төрле мәгънәгә ия.

Бөреле мәктәбендә патриотик рухтагы берьюлы берничә чара узды. Биредә укучы балалар яшьармиячеләр сафларына кабул ителде һәм тагын 22 бала хәрәкәт активистлары булдылар. Яшьармиячеләр һәрберсе муеннарына ак яулык бәйләп, күкрәкләренә хәрәкәт логотибы булган билге тагып йөри.

«Ярый әле җыеннар бар. Югыйсә, бер авылда яшәп тә, берберебезне айлар буе күрмәгән чаклар да була». Җыенга килгән халык клубта берберсен әнә шундый сүзләр белән сәламли. Кочаклашып күрешеп, бер-берсенең хәләхвәлен сорашалар алар.

Александр Беляков - үз хезмәтендә зур тәҗрибә туплаган янгын сүндерүче. Ул бик күп янгыннарны сүндерүдә, гадәттән тыш хәлләр китергән зыянны бетерүдә катнашкан. 60 яшьлек Александр Николаевичның физик яктан ныклыгына, әзерлегенә сокланмый мөмкин түгел, ул яшьләрдән бер дә калышмый. Ә холкы буенча тыйнак кеше икән.

Биектау спорты тарихында көрәш аерым урын алып тора. Аның үсешенә зур игътибар бирелә. Көрәшчеләрне татар халкы спортчыларга гына түгел, милли геройларга тиңли. Көрәш ул – милләтне саклаучы һәм танытучы иң төп чараларның берсе. Ул халкыбызның көченкуәтен, бердәмлеген ныгытып, аның данын арттырып тора. Татарны татар иткән, бар дөньяга таныткан, бергә җыйган иң матур спорт төрләренең берсе ул.