ЯҢАЛЫКЛАР

Мәмдәл авылы мәдәният йортында шагыйрь, драматург һәм прозаик Рафис Корбанның “Ватан” дип исемләнгән яңа китабы белән танышуга багышланган чара узды. Язучы, драматург, җәмәгать эшлеклесе буларак, Рафис Харис улы милли мәдәниятне үстерүгә, туган як тарихын саклауга зур өлеш кертте. Әле күптән түгел генә ул үзенең яңа әсәре белән таныштырды.

Район авылларында гыйнвар башыннан алып, февральнең беренче ункөнлегенә кадәр барган халык җыеннары авылларда эшләнгән күркәм эшләрне барлады, күп кенә проблемаларга ачыклык кертте, авыл кешесе белән күзгә-күз карап сөйләшергә мөмкинлек бирде, аларның өмет-хыялларын тормышка ашыруда ярдәм итәрдәй юллар, ысуллар билгеләде.

Биектау районында милли татар көрәше буенча “Ватаным Татарстан” республика газетасы тарафыннан гамәлгә куелган иң зур турнирның – каһарман шагыйрь Муса Җәлил истәлеге призларына көрәш буенча ачык республика ярышларының финалы тәмамланды. Катнашучыларның бихисап күп булуы, кискен бәрелешләр һәм зур көндәшлек – спорт комплексында көч сынашу кызганнанкыза барды.

19 февральдә 17:00 сәгатьтә Казан ИТ-паркының кайнау ноктасында Татарстан Республикасы Цифрлы трансформация үзәгенең республика халкы белән беренче ачык очрашуы узачак. Очрашуга, кулланучы күзлегеннән караганда, суперсервисны ничек камилләштерергә мөмкин булуын бәяләү өчен, кайчандыр йорт салучылар яки төзүчеләр чакырыла.

8-9 февральдә ИТ-паркта Бизнес-инкубаторга 40 сайлап алу узды. Сайлап алуның турыдан-туры этабына барлыгы 22 проект кертелде, аларның 7 се яңа резидентлар булды. Узган ике көн эчендә катнашучылар үз эшләнмәләрен тәкъдир иттеләр һәм экспертлардан кире элемтә алдылар, үсеш һәм мөмкин булган эшчәнлек юнәлешләре буенча тәкъдимнәр алдылар.

5-7 февральдә Казан, Иннополис, Нурлат һәм Чистайдан килгән 10 команда «Киберкуркынычсызлык» һәм «Виртуаль һәм өстәмә чынбарлыкны эшләү» компетенцияләре буенча Россия чемпионатына юлламалар өчен көрәшәчәк. ​

Казанда Саклык банкының «21 мәктәбе» - белем бирү проектын ачу тантанасы булды, ул якындагы берничә елда республика һәм бөтен ил эш бирүчеләренә дөнья дәрәҗәсендәге программистларны алырга мөмкинлек бирәчәк. Ачылу тантанасында Татарстан Республикасы Президенты Рөстәм Миңнеханов, Сбербанк президенты, идарә рәисе Герман Греф катнашты.

Халыкара компетенцияләр үзәге - Казан мәгълүмати технологияләр һәм элемтә техникумы «Мәгариф системасын үстерү һәм мониторинглау өлкәсендә инновацияләргә ярдәм итү» ведомство максатчан программасы кысаларында Россия Федерациясе Мәгариф министрлыгыннан грант бирү өчен конкурста катнашты һәм җиңүче булды. Бу җиңү аркасында техникумда 5 яңа остаханә эшли башлады.

Ял көннәрендә Биектау районында «1400» һәм «1600» төркемнәрендә кышкы трек узышлары буенча Татарстан Республикасы Кубогының 1 нче этабы тәмамланды.

Узган атнада Мүлмәдә Рөстәм Гарәфиев истәлегенә милли көрәш турниры узды. Рөстәм Әнвәр улы гомере буена физкультура укытучысы булып эшләде. Укучыларында ул спортка мәхәббәт, сәламәт яшәү рәвешенә омтылыш тәрбияләде. Ул бик көчле көрәшче дә иде, милли көрәш бәйгеләрендә һәрвакыт призлы урыннар яулап килде. Ул тәрбияләгән спортчылар яхшы көрәшчеләр булып танылдылар. Моннан 30 еллап элек Рөстәм Гарәфиевнең йөрәге тибүдән туктады, әмма аны туган авылында да, башка төбәкләрдә дә әле дә яраталар һәм онытмыйлар. Мүлмәдәге турнирга Биектау районының 15 мәктәбеннән 100ләп спортчы җыелды.