ЯҢАЛЫКЛАР

Безнең илдә беркемгә дә һәм бернәрсәгә дә ышана торган түгел! Кибеттә табигый сыер сөте дип сатылган сөт өстәл өстендә ничәмә тәүлек тора, ә әчеп чыкмый. Моны ничек бәяләргә? Үзеңнең сыерыңнан савып алган сөтне өстәл өстендә тотып кара, әчеми күпме түзәр иде икән?! Кибет киштәләрендә помидорлар, алмалар айлар буена йомшамый торалар, ә үз бакчаңнан алып кергәне бик тиз йомшый. Димәк, кибеттән алганнарны үстергәндә химия кулланганнар!

«Россиядән куркыныч яный!» – дип, тирә-күрше дәүләтләр дәррәү килеп сакланырга әзерләнә. Бу мәсьәлә бигрәк тә Балтыйк буе илләрен борчый – Кырымның Россия составына керүе, Донбассның аерылып чыгарга омтылуы, шуның өстенә, Көнбатышның туктаусыз агитациясе Россиядән агрессор ясап куйды. Балтыйк буе республикалары хәрби бюджетны арттыра, хәрби чуалышлар була калса, халыкка нишләргә кирәклеген өйрәтүче махсус курслар  оештыра һ.б.

Кичә Көньяк Кореяның Коян шәһәрендә зур янгын чыгып, фаҗига 7 кешенең гомерен өзде. Төрле тән җәрәхәтләре алган кешеләрнең саны исә 20дән артып китә. Янгын шәһәрнең автобус терминалында чыккан һәм анда  шул вакытта транспорт көтүчеләр фаҗиганең корбаннарына әверелгән дә. Ут бинага төзелеш эшләре аркасында капкан, дип фаразлыйлар.

Татарстанның Лаеш районындагы Никольское авылында XXII «Каравон» рус фольклор фестивале булып узды.  Анда Татарстан, Мари Эль, Чуашстан, Киров өлкәсе һәм Мәскәүдән 148 фольклор коллективы катнашты. Төп кунаклар исә «Буран әбиләре» иде.

Республика мәктәпләрендә Бердәм дәүләт имтиханнары башланды.

Башкаладагы «Казан» гаилә үзәгенең матур территориясе күңелсез хәлләр мәйданына әверелгән иде.

Алдагы көннәрдә, ниһаять, яңгырлар яварга тиеш. Синоптиклар бүген дә, иртәгә дә урыны белән яшенле яңгырлар явачагын фаразлый.

Быел көз көне республиканы мөһим вакыйга көтә: билгеле булганча, 14 сентябрьдә V чакырылыш ТР Дәүләт Советына сайлаулар узачак. Шул уңайдан, ТР Үзәк сайлау комиссиясе утырышында ТР Дәүләт Советына сайлауларга әзерлек һәм аны уздыру чараларының календарь планын расладылар.