Яшенле яңгырлар көтелә!

Алдагы көннәрдә, ниһаять, яңгырлар яварга тиеш. Синоптиклар бүген дә, иртәгә дә урыны белән яшенле яңгырлар явачагын фаразлый.

Шул рәвешле, бүген республикабызда аязучан болытлы һава булачак, кайбер урыннарда кыска вакытлы яңгыр явып узачак. Термометрлар көндезге якта +20, +25, ә көньякта исә +28 градусны күрсәтәчәк. 28 майда да яшенле яңгыр яву ихтималы юк түгел. Төнлә белән +8, +13, көндез исә +21, +26 градус булачак, дип хәбәр итә ТР Гидрометеорология һәм әйләнә-тирә мохит мониторингы идарәсе.