ЯҢАЛЫКЛАР
Кичә Минзәләнең өлкәннәр һәм инвалидлар өчен интернат-йортында Бөек Ватан сугышы башлануга 75 ел тулу уңаеннан чара узды.
23-24 июньдә Санкт-Петербург шәһәренең Мәгариф комитеты делегациясе Татарстан Республикасы көллиятләре һәм техникумнарында булды. Делегация вәкилләре Казан педагогика көллияте, Казан төзелеш көллияте, П.В.Дементьев исемендәге Казан авиация-техник көллияте, Казан халык һөнәрчелеге эшләнмәләре техникумы һәм Алабуга политехника көллияте эшчәнлеге белән танышты.
23 июньдә Арчада Г.Тукай исемендәге Арча педагогика көллияте базасында Татарстан Республикасы Мәгариф һәм фән министрлыгының татар теле һәм әдәбиятын укыту методикасын камилләштерү мәсьәләре буенча коллегия утырышы узды. Коллегияда катнашучылар квалификация күтәрү, кабаттан әзерләү һәм әзерләү системасын заманчалаштыру, татар теле һәм әдәбияты укытучылары өчен методик озатып бару үзенчәлекләре, укыту рус телендә алып барылган мәктәпләрдә татар теле һәм әдәбиятын укыту буенча заманча технологияләр һәм актуаль аспектлар һ.б.турында фикер алыштылар.
23 июньдә Арча педагогия көллияте территориясендә татар халкының бөек шагыйре Габдулла Тукайга бюст ачылды. Аны ачу тантанасында ТР премьер-министры урынбасары - мәгариф һәм фән министры Энгель Фәттахов катнашты. Бюст Арча районы иганәчеләре ярдәме белән куелган.
Татарстан Республикасы мәгълүматлаштыру һәм элемтә министрлыгы хезмәткәрләре “Яңарыш” фондына бер көнлек хезмәт хакларын күчерделәр.
Шушы көннәрдә Менделеевскның "Кама таңнары" балалар һәм яшүсмерләр өчен социаль приюты тәрбиячесе Рамил Загретдинов Татарстан Республикасы тарихына кагылышлы танып белү дәресе үткәрде. Биредә балалар республиканың дәүләт атрибутларын, Рөстәм Яхин иҗат иткән гимнны искә төшерде.
Шушы көннәрдә Буаның машиналар төзү заводында хезмәтне саклау мәсьәләләре буенча Координация советының чираттагы утырышы узды. Утырышта 2015 елда һәм 2016 елның I яртыеллыгыда бу өлкәдә башкарылган эшчәнлеккә йомгак ясалды.
Югары Осланның "Островок надежды" халыкка социаль хезмәт күрсәтү үзәге социаль хезмәткәре Татьяна Маслова "Гарденотерапия" тернәкләндерү технологиясен куллана.
Шушы көннәрдә Кайбыч районында социаль хезмәткәрләрнең һөнәри бәйрәменә багшыланган форум узды.
Кичә Зәйнең "Радость" халыкка социаль хезмәт күрсәтү үзәгендә янгын вакытында хезмәткәрләрне һәм биредә эшләүчеләрне эвакуацияләү буенча гамәли күнекмәләр үтте.