ЯҢАЛЫКЛАР

Татарстанның һөнәри уку йортлары укучыларының "Хезмәткә һәм саклануга әзер" Спартакиадасының өстәл теннисы буенча зона ярышлары башланды.

2016нчы елның 22нче октябрендә Казан шәһәренең Идел буе районы балалар йортында "Акыл палатасы" округ интеллектуаль уенының республика этабы үткәрелде, анда республиканың 40тан артык балалар йортында тәрбияләнүчеләре катнашты. Уенның җиңүчесе итеп Әлмәт балалар йорты командасы танылды. 

2016 нчы елның 21–23 нче ноябрь көннәрендә “Байтик” лагере базасында «2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» Татарстан Республикасы дәүләт программасы кысаларында Татарстан Республикасының күпмилләтле якшәмбе мәктәпләре һәм этномәдәни компонентлы мәктәп укучылары катнашында слет үткәрелде.

2016нчы елның 18нче октябрендә «Ш.У.С.Т.Р.И.К.» Бөтенроссия фәнни-гамәли һәм инновацион иҗат бәйгесенә  йомгак ясалды. Татарстан Республикасыннан дүрт укучы бу бәйгедә җиңү яулаый алды. "IT-эшләнмә" номинациясендә Андрей Баканин белән Алексей Поникаров (Казан),  "Ирекле тема" номинациясендә Яр Чаллыдан Тимур Трутнев һәм Кирилл Левин җиңделәр. 

2015-2016нчы уку елында укучыларның бөтенроссия олимпиадасын уздыру нәтиҗиләре буенча бөтенроссия җыелышы үз эшен дәвам итә. Кунакларны сәламләү сүзе белән Россия Федерациясе Мәгариф һәм фән министрлыгының Гомум белем бирү өлкәсендә дәүләт сәясәте департаменты җитәкчесе Павел Сергоманов, Татарстан Республикасы мәгариф һәм фән министры урынбасары Илдар Мөхәммәтов, Мәгариф хезмәткәрләренең белемен күтәрү һәм һөнәри яңадан әзерләү академиясенең Белем бирү сыйфатын мониторинглау институты җитәкчесе Валентина Абатурова,  Мәгариф хезмәткәрләренең белемен күтәрү һәм һөнәри яңадан әзерләү академиясе доценты марина Цветкова чыгыш ясады. 

Казан мәктәпләрендә "Футбол дәресе" үз эшен дәвам итә. Бу  FIFA-2018 Дөнья чемпионаты Волонтерлар үзәге ярдәмендә тормышка ашырылучы "Россия-2018" оештыру комитеты проекты. Дәресләр 2015нче елның декабрендә "Буын-2018" программасы кысаларныдна үткәрелә башлады.

Кичә, 2016нчы елның 19нчы октябрендә, Казан радиомеханика көллияте базасында Junior Skills региональ чемпионатының  I этабы кысаларында "Электроника" компетенциясендә үткәрелүче "Знатоки" бәйгесе тәмамланды.

Алан-Бәксәр авылы мәдәният йортында оештырылган түгәрәкләргә олылар да, балалар да бик теләп йөри. Югары сыйныф кызлары арасында "Тәмле тамак" түгәрәге бик популяр, монда алар токмач җәяргә, тортлар пешерергә, төрле салатлар әзерләргә, шулай ук беренче һәм икенче ашлар әзерләү технологиясен өйрәнәләр. Кече һәм урта яшьтәге балалар өчен рәсем түгәрәге эшли, иң уңышлы эшләрдән әледән-әле күргәзмәләр оештырыла. Яшьләр һәм олылар өчен җыр һәм сәнгать түгәрәге эшли. Бу түгәрәкләрдә үзешчән сәнгатьтә катнашучылар концертлар һәм төрле чаралар өчен чыгышлар әзерлиләр.

Кичә барышында Алан-Бәксәр һәм Алат спиртзаводы авылларында яшәүче апалар үзләре өйдә пешереп алып килгән гөбәдия, кабак, алма, балан бәлеше; катлы паштет, кыстыбый, кош теле, юка һәм башка ризыкларның рецептлары белән бүлештеләр; яшь чактагы хәтирәләрне искә төшерделәр. Бу көнне Алан-Бәксәргә кунаклар да чакырылган иде. "Ак калфак"ның район бүлеге җитәкчесе Гөлсинә Шакирова оешманың оешу тарихы, бурыч-максатлары турында сөйләде. Район мәдәният йорты артистлары Лилия Борханова (Биектау районы мәдәният булеге җитәкчесе), Айзат Шакиров, Ризәлә Уткузова, Шамил Гибаев, шулай ук авыл үзешчәннәре үзләренең чыгышлары белән кичәне бизәделәр. Залда утыручылар шулай ук икмәк пешерү остасы Фәрит Заһидуллин чыгышын һәм ул пешергән икмәк дегустацисен бик яратып кабул иттеләр.

Суыксу авыл китапханәсе мәдәният йорты хезмәткәрләре белән берлектә Суыксу гомуми белем мәктәбенең башлангычсыйныф укучылары белән "Терроризмга - юк!! дигән мероприятие үткәрде.