ЯҢАЛЫКЛАР

11 ноябрь көнне Казаклар мәктәбендә көзге бал бәйрәме үткәрделәр. Барлык 1-9 сыйныф укучылары да алдан әзерләнгән программа буенча катнаштылар.

Алан-Бәксәр мәктәбендә традицион көзге бал бәйрәме үтте. Бу чарага һәр сыйныф алдан ук әзерләнде. Сценарий буенча җырлар, биюләр һәм скетчлар әзерләнде. Шулай ук табигый материаллар кулланып эшләнгән төрле эшләнмәләргә дә бәйге игълан ителгән иде. Бәйрәм ахырында һәр сыйныф үзләре өйдә әниләре ярдәмендә пешереп алып килгән тәм-томнар белән чәй эчтелэр.

12 ноябрь көнне Усад авылы мәдәният йортында беренче православие җыры башкаручыларның район фестивале булып узды. Бу чарада Биектау авылыннан, Шәпшедән, Чыпчыктан, Усадның узеннән һәм Гәр авылыннан үзешчән башкаручылар катнашты. Сәхнәдә билгеле авторларның әсәрләре, һәм шулай ук башкаручыларның үзләре иҗат иткән җырлар да яңгырады.

5 ноябрь көнне Суыксу мәдәният йортында "Туган ягым- туган төбәгем" дип исемләнгән Халыклар бердәмлеге көненә карата бәйрәм концерты куелды. 

8 ноябрь көнне Ямаширмә "Йолдыз"балалар бакчасының зурлар катнаш төркемендә балаларны көзге-кышкы вакытта сулыклардан саклау кагыйдәләрен өйрәнү максатыннан тематик көн үтте.

2016 елның 8-нче ноябрь көнне Дөбъяз авылы Советының чираттагы утырышы узды. Утырышта  Дөбъяз авылы территориясендә урнашкан оешмаларның җитәкчеләре катнашты.

 

 

Коркачык авылы башлангыч мәктәбенең 3 сыйныф укучылары "Исәнме ,Көз кызы!" дип исемләнгән кичә оештырдылар. Бәйрәмдә укучылар уеннар уйнадылар, шигырьләр сөйләделәр, җырладылар.

Алан-Бәксәр авыл җирлегендә җирлекнең башкарма комитеты карары нигезендә гражданнарга документларның һәм аларның өземтәләренең дореслеген раслау, мирас калдыру (завещание) һәм ышаныч кәгазе (доверенность) төзү, справкалар һәм выпискалар бирү, бирелгән адресны бетерү, үзгәртү һәм яңаны бирү буенча муниципаль хезмәтләр күрсәтү оештырылган. Ышаныч кәгазен (доверенность) өйгә килеп төзү дә оештырылган. 

2016 елда Алан-Бәксәр авылында яшәүче халыктан җыелган узарасалым акчасын Алан-Бәксәр һәм Әсән авылларындагы зиярат коймаларын төзекләндерүгә тоту планлаштырылган иде. Шушы көннәрдә Бәксәр авылы христиан зыяраты территориясен зурайту һәм коймаларын төзекләндерү буенча эшләр тәмамланды, Әсән зияратында эшләр башланды.

29 октябрь көнне Суыксу урта белем мәктәбендә 2 сменада "Уңыш бәйрәме" үткәрелде.