ЯҢАЛЫКЛАР

20 февральдә  Мәскәүдә    Крестьян (фермер)   хуҗалыклары һәм авыл  хуҗалыгы     кооперативлары  ассоциациясенең (АККОР)  ХХХ юбилей  съездының  пленар  утырышы   узды.  Съездда  Татарстан делегациясе составына  Татарстан Республикасы  авыл  хуҗалыгы  һәм азык-төлек  министры  урынбасары Ришат Хәбипов,   Татарстан  Республикасының Фермерлар  һәм крестьян (фермер)   хуҗалыклары ассоциациясе рәсие    Камияр Байтемиров һәм  26 фермер керде. 

2019 елның  1 мартыннан     “Агроиминләштерү  өлкәсендә  дәүләт ярдәме турында” федераль законга һәм “Авыл хуҗалыгын  үстерү турында” федераль законга  үзгәрешләр кертү хакында” 563-ФЗ номерлы федераль  закон үз көченә керә, ул  авыл  хуҗалыгын иминләштерү механизмын  камилләштерүне һәм аграрийларда,  шулай  ук  иминият  оешмаларында  бу  дәүләт ярдәменә  кызыксынуны арттыра.  

16 февральдә  “Үз туган  ягыңны  бел” темасы  буенча  чаралар  кысаларында  Татарстан  Республикасы Авыл хуҗалыгы  һәм азык-төлек  министрлыгы белгечләре  Балтач  муниципаль районында  Себер  тракты тарихы һәм Муса Җәлил музеенда   (Карадуган авылы),     талчыбыктан  үреп  җиһаз  ясый торган  «Ива-мебель» (Тал-җиһаз) фабрикасында (Яңгул авылы) һәм чаңгы  базасында  булдылар.    

Яр Чаллы ИТ-паркы Бизнес-инкубаторына резидентлар сайлап алу 2-3 нче мартта булачак. Анда аларны бизнеска әйләндерергә теләгән инновацион идея авторлары катнаша ала.

"Ел тәрбиячесе” республика һөнәри конкурсының зона этабы тәмамланды, анда мәктәпкәчә белем бирү оешмаларының 108 педагогы катнашты.

17 – 19нчы февраль көннәрендә туган телдә белем бирүче (рус булмаган) мәктәп укучылары  өчен рус әдәбияты буенча республика олимпиадасының йомгаклау этабы узды.

8 февральдә үземә белем һәм тәрбия биргән Мүлмә мәктәбендә кунак булырга туры килде миңа.Бәйрәме дә нинди бит! Иң самими, иң ихлас бәйрәмнәрнең берсе – Әлифба бәйрәме! Беренче сыйныф укучылары һәм аларның укытучылары Рәсимә Нәби кызы тарафыннан бу бәйрәмгә чакыру алгач бик шатландым.Авылыма ашкынып кайттым.

22 февральдә  Россия Федерациясе  авыл  хуҗалыгы  министры   Дмитрий Патрушев Татарстан  Республикасына  эш  сәфәре  белән  киләчәк.  Биредә  ул  Идел  буе  федераль  округы төбәкләре тарафыннан  җитештерелә  һәм экспортлана  торган  АПК продукциясе күләмнәрен  планлаштыру  турында  киңәшмә  уздырачак.     

Татарстан Республикасы Мәгълүматлаштыру һәм элемтә министрлыгы хезмәткәрләре узган атнада Татарстан Республикасы Авыл хуҗалыгы һәм азык-төлек министрлыгы коллегиясенең киңәйтелгән утырышы кысаларында «Россия Федерациясенең цифрлы авыл хуҗалыгы» түгәрәк өстәл эшендә катнашты.

"Ростелеком" һәм Ericsson медиасфера вәкилләре өчен "Цифрлы киләчәккә бергә" конкурсын үткәрә. Катнашырга ИТ-өлкәдә яңа технологияләр, инновацион эшләнмәләр, трендлар турында яза торган региональ журналистлар һәм блогерлар чакырыла.