ЯҢАЛЫКЛАР
19 мартта Татарстан Республикасы Авыл хуҗалыгы һәм азык-төлек министрлыгында авыл хуҗалыгы культураларын иминләштерү мәсьәләсе киңәшмә узды. Шуны әйтергә кирәк, игенчелеккә куркыныч очраклары янарга мөмкин булган төбәкләр өчен агроиминләштерү аеруча мөһим, безнең республика да шундый төбәкләргә керә. Чәчүлекләрне иминләштерү авыл хуҗалыгы җитештерүчеләренә үз эшчәнлекләрендә югалтуларны киметергә мөмкинлек бирә.
19 мартта Ветеринария академиясендә «Карьера көне» уздырылды. Чара Татарстан Республикасы Авыл хуҗалыгы һәм азык-төлек министрлыгы белгечләре белән берлектә югары уку йорты җитәкчелеге тарафыннан махсус 4 һәм 5 курс студентлары өчен үткәрелде. «Карьера көне» кысаларында студентлар булачак эш бирүчеләр – авыл хуҗалыгы товар җитештерүчеләре белән очраштылар, алар үзебезнең республиканыкы гына түгел, ә башка төбәкләрдән дә иде.
Татарстан Республикасы дәүләт һәм муниципаль хезмәтләр Порталында «Уңайлы шәһәр мохите формалаштыру» программасы һәм Татарстан Республикасы җәмәгать киңлекләрен үстерү программасы кысаларында беренче чиратта төзекләндереләчәк парклар, скверлар, мәйданнар, урамнар һәм башка территорияләрне сайлау буенча онлайн-сораштыру эшли башлады.
20 мартта Татарстан Республикасы һөнәр берлеге оешмасының Фәридә Гарифуллина рәислегендә киңәйтелгән утырышы узды. Анда һөнәр берлеге оешмасының 2018 елгы эшчәнлегенә йомгаклар ясалды. Утырышта район, эре башлангыч һөнәр берлекләре оешмалары рәисләре, республика һөнәр берлеге оешмасының контроль-ревизия комиссиясе әгъзалары катнашты.
Безнең тамырларыбыз бик тирәнгә, ерак чорларга барып тоташа. Суыксу, Кече Рәс, Зур Рәс, Кондырлы, Чәмәк һәм Ташсу авылларының тарихы ихтирамга лаек.
Казан ИТ-паркында Бизнес-инкубаторга 33 сайлап алу узды. Эксперт жюрие карары буенча 11 ИТ-проект яңа резидентлар булды. Сайлап алуда катнашу өчен Россиянең төрле шәһәрләреннән 130га якын гариза бирелде, шуларның 32се турыдан-туры этапка уза алды.
Яр Чаллының ИТ-паркында 15 һәм 16 март көннәрендә уйлап табучылар өчен «Читстартер» конкурсы узды. Финалда тугыз команда ике көн эчендә эшләнгән төрле җайланмаларның прототипларын эшләүче экспертларга күрсәттеләр. Чараны оештыручылар - ИТ-парк һәм «Кванториум» технопаркы.
"Иннополис" махсус икътисадый зонасы идарәче компаниясенең бурычы - МИЗда үз проектларын гамәлгә ашыручы яңа компанияләргә ярдәм итү һәм Татарстан җитәкчелеге бу эштә кирәкле ярдәмне күрсәтергә әзер. Бүген бу хакта Татарстан Республикасы Президенты Рөстәм Миңнеханов Махсус икътисадый зонаның Күзәтчелек советы утырышында хәбәр итте.
Россия Федерациясе Авыл хуҗалыгы министрлыгы ярдәмендә Эксперт эшче төркем тарафыннан 2025 елга кадәр Россия Федерациясендә Ат үрчетү стратегиясе проекты эшләнде. Проект үзебезнең атчылыкны үстерү мәсьәләләрен системалы хәл итүне, аның ресурслар һәм финанс белән белән тәэмин ителешен күздә тота.
15 мартта “Татарстанның агробизнес кадрларын яңадан әзерләү институты” («ТИПКА») өстәмә белем бирү учреждениесе базасында Татарстан Республикасы Авыл хуҗалыгы һәм азык-төлек министрлыгы ярдәмендә «Мул сөткә юл. Нәтиҗәле терлекчелек уңышларына ирешү» темасына семинар узды.