ЯҢАЛЫКЛАР
Бу хакта Татарстан Республикасы авыл хуҗалыгы һәм азык-төлек министры урынбасары Алексеевск районында узган «Сыйфатлы азык һәм ныклы азык базасы – хайваннарның югары продуктивлык нигезе» зона семинар-киңәшмәсендә хәбәр итте. Чарада Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе башлыгы урынбасары Гелүс Баязитов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, район башлыгы Сергей Демидов, шулай ук районнарның авыл хуҗалыгы һәм азык-төлек идарәләре җитәкчеләре, фермерлар һәм башкалар катнашты.
Татарстан Республикасы Авыл хуҗалыгы һәм азык-төлек министрлыгы язгы кыр эшләре чорында илнең агросәнәгать комплексын кредитлау өлкәсендә оператив мониторинг алып бара. 2021 елга ташламалы кыска сроклы кредит бирү буенча субсидияләр лимиты 689,6 млн сум тәшкил итә.
9 нчы Майга ике атнадан кимрәк вакыт калып бара. Безнең районда әлеге датага бәйрәм программасы әзерләнә. Күркәм гадәт буенча техника маршы уздырылыр, концерт куелыр һәм кичке бәйрәм салюты җибәрелер, дип планлаштырыла. Җиңү парады Биектау район үзәге станциясендәге скверда узачак. Аңа әзерлек күптән башланды инде. Оешмалар хәрби техника һәм иҗади программалар әзерләү белән мәшгуль. Тантанага быел бераз үзгәрешләр кертергә ниятлиләр.
Биектау муниципаль районы Башкарма комитетының утырышлар залында районның террорга каршы көрәш комиссиясе 1-10 май көннәрендә гражданнарның иминлеген тәэмин итү мәсьәләләренә багышланган киңәшмә уздырды. Анда 1 май һәм Бөек Ватан сугышында Җиңнең 76 еллыгын билгеләп үтүгә багышланган бәйрәм чараларында экстремистик хәлләрне булдырмау һәм иҗтимагый куркынычсызлыкны арттыру турында сүз барды. Искәртеп үтәбез, Россия Президенты Владимир Путин 1-10 май көннәрен тоташ яллар итү турында указга кул куйган иде.
Апрельнең соңгы шимбәсе быел Бөтенроссия өмәсе белән билгеләп үтелде. Илебезнең барлык төбәкләре дә территорияләрне җыештырырга чыктылар. Татарстан да бу эштән читтә калмады. Биектау районында экологик акциягә 124 авылның һәркайсы да кушылды. Төп җыештыру эшләре административ үзәктә барды.
“Биектау” спорт комплексына Татарстанның 7 муниципаль берәмлегеннән йөздән артык спортчы җыелды. Анда ирекле көрәш буенча Татарстан Республикасының ел да үткәрелә торган Кубогы булып узды. Кубокны яулау өчен төрле үлчәү категорияләрендә 16 яшькә кадәрге үсмерләр көч сынашты. Әлеге ярышлар Биектау районында 2014 елдан бирле уздырыла. Бәйге Халыкара класстагы спорт мастеры, Европа чемпионы һәм Олимпия уеннарында катнашкан Сергей Тимофеев исемен йөртә.
Күңел берлән сөям бәхтен татарның, Күрергә җанлылык вактын татарның. Татар бәхте өчен мин җан атармын: Татар бит мин, үзем дә чын татармын. Габдулла ТУКАЙ
19 нчы апрельдә халыкның мәшгульлек дәүләт Үзәге 30 еллык юбилеен билгеләп үтте. 1991 нче елның 19 нчы апрелендә “Россия Федерациясендә халыкның мәшгульлеге турында”гы закон кабул ителгән һәм тиешле хезмәт оештырылган.
Бөтендөнья сәламәтлек саклау оешмасы инициативасы буенча Европада, шул исәптән Россия Федерациясендә һәм Татарстан Республикасында, 26 апрельдән 2 майга кадәр Европа иммунизация атналыгы үткәрелә. Аның төп максаты - йогышлы авыруларны кисәтүдә иммунизациянең мөһимлеге турында халыкның белем дәрәҗәсен күтәрү.
Биектау районы «Әсән» хуҗалыгы авыл хуҗалыгы продукциясен җитештерү буенча Татарстан Республикасында әйдәп бара торган предприятиеләрнең берсенә әверелде. Хуҗалык күп итеп ит, сөт җитештерә, игенчелек өлкәсендә дә башкалар белән уртаклашырдай яхшы тәҗрибә тупланган. Күптән түгел “Әсән” хуҗалыгы базасында район агрономнарының семинаркиңәшмәсе узды.