ЯҢАЛЫКЛАР

Биектауның фигуралы шуу остасы Сәидә Закирова Түбән Новгородтан алтын медаль алып кайтты. Анда фигуралы шуу буенча В.Л.Серебровский истәлегенә Бөтенроссия ярышлары булды. Сәидә - Татарстаннан Россиянең иң яхшы фигуралы шуу осталары унлыгына кергән бердәнбер спортчы. Юниор кыз спорт мастеры нормативларын үтәгән. Хәзерге вакытта ул ял көннәрендә узачак ярышларга әзерләнә. Спорт мәктәбе тиздән Сәидәгә спорт мастеры исемен бирүгә документлар әзерли башлаячак.

26 апрельдә Татарстан Республикасы дәүләт һәм муниципаль хезмәтләр Порталында 2022 елда төзекләндереләчәк объектлар өчен тавыш бирү башлана. Халык киләсе елның масштаблы реконструкция программасына нинди ишегалларын һәм иҗтимагый киңлекләрне кертүне үзләре хәл итә алачак.

Шимбә көнне, 24 апрельдә Татарстан Республикасы Авыл хуҗалыгы һәм азык-төлек министрлыгы республика халкын Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексы) уза торган авыл хуҗалыгы ярминкәләренә чакыра, алар, гадәттәгечә, иртәнге сәгать 6да эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм авыл хуҗалыгы товар җитештерүчеләре китергән башка фермер продукциясен арзанрак бәяләрдән сатып ала алалар.

Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Казаннан 14 яшьлек Мария Белякованың гадәти булмаган хыялын тормышка ашырды. Кыз бала туңдырма фабрикасына барып, балалар да, өлкәннәр дә ярата торган татлының ничек җитештерүләрен күрергә хыялланган.

Бу хакта Әтнә районында «Сыйфатлы азык һәм ныклы азык базасы - хайваннарның югары продуктивлыгының нигезе» дигән зона семинар-киңәшмәсе барышында хәбәр иттеләр. Чарада Татарстан Республикасы авыл хуҗалыгы һәм азык-төлек министры урынбасары Ленар Гарипов, Әтнә районы башлыгы Габделәхәт Хәкимов, Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе башлыгы урынбасары Гелүс Баязитов һәм башка җаваплы затлар катнашты.
 

7 июньнән 11 июньгә кадәр Татарстанда «Элита» дәүләт нәсел предприятиесе базасында сөт һәм Ит терлекчелеге зоотехник-селекционерларының 2 нче бөтенроссия конкурсы узачак. Бу хакта чараны оештыру комитетының беренче утырышында хәбәр иттеләр.

Бурдан кала, уттан калмый. Чын дөресе шул бит. Мамадыш районы Норма авылында 18 апрельдә чыккан янгын ярты сәгать эчендә Фәния һәм Илһам Хаҗиевларның мал-мөлкәтләрен көлгә әйләндереп, тормышларын 180 градуска үзгәртә дә куя. Бу очракта әле дә ярый үзләре исән-сау дип сөенергә кала.

Рамазан мөселманнар өчен нигә олуг бер айларның берсе булып тора? Ураза тотып кеше нәрсәгә ирешә? Аллаһы Тәгалә адәм баласына ураза гыйбадәтен нинди максат белән биргән? Рамил хәзрәт Юнысның Рамазан аена багышланган вәгазеннән шушы һәм башка сорауларга җавап табарсыз.

1 нче апрельдән 30 нчы майга кадәр районда экологик айлык уздырыла, аның барышында йорт тирәләрен, шулай ук җәмәгать урыннарын тәртипкә китерергә кирәк. Тәртип ул чүп-чар аунап ятмауны гына белдерми, дөрес итеп язылган элмә такталар да. Районның законнарның ничек башкарылуын тикшерүче административ-техник инспекциясенең эше нидән гыйбарәт?

Республика урман хуҗалыгы хезмәткәрләренә яңа автомобильләр тапшыру тантанасы узды. Урманчыларга яңа техниканы Татарстан Республикасы урман хуҗалыгы министры Равил Кузюров тапшырды. Яңа транспорт чаралары урманнарны саклау юнәлешендә эш нәтиҗәлелеген арттырырга һәм төрле каршылыкларга оператив рәвештә җавап кайтарырга ярдәм итәчәк.