ЯҢАЛЫКЛАР
2019 елның 12-13 февралендә Казанда Татарстан Республикасы Авыл хуҗалыгы һәм азык-төлек министрлыгының еллык коллегиясе кысаларында «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ «Авыл хуҗалыгы кулланучылар кооперативлары башкарма директорларының Беренче бөтенроссия олимпиадасын - 2019» уздыра.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, Чуаш Республикасында(Чебоксар шәһәрендә) 28 февральдән 1 мартка кадәр «Бәрәңге-2019» төбәкара күргәзмә-форум узачак. Чара Россия Федерациясе Авыл хуҗалыгы министрлыгы ярдәмендә оештырыла. Анда илнең 20дән артык төбәгеннән вәкилләр катнаша.
Россия Премьер-министры Дмитрий Медведев юридик затларны һәм шәхси эшкуарларны тикшергән вакытта контроль-күзәтчелек органнары тикшерелә торган затларга запрос юлламыйча гына ала торган мәгълүмат исемлегенә өстәмәләр кертүче карарга кул куйды. Документ хөкүмәт сайтында бастырылган.
Татарстан Республикасы Икътисад министрлыгында Әлмәт районында махсус икътисадый зона төзүгә заявка әзерләү мәсьәләләре каралды. Чарада тармак министрлыкларының һәм мәнфәгатьле оешмаларның вәкилләре катнашты.
Металл ватыгы кабул итү һәм эшкәртү буенча бизнесны гамәлгә ашыру өчен лицензия алуга (яңадан рәсмиләштерүгә) дәүләт пошлинасын хәзер Татарстан Республикасы дәүләт һәм муниципаль хезмәтләр порталы аша түләргә мөмкин. Түләү, дәүләт һәм муниципаль түләүләрнең дәүләт мәгълүмат системасына акча күчерү турында мәгълүмат җибәрү шарты белән, "Пошлиналар һәм штрафлар түләү" бүлегендә башкарыла.
2016 елдан "Татарстан Республикасында газ-мотор ягулыгы базарын үстерү" программасы буенча 3000гә якын автомобиль метанга күчерелгән. Шул исәптән 1310 - физик затларның транспорт чаралары. Автомобильләрнең иң зур күләме 2018 елда күчерелгән. Алар 1277 тәшкил иткән, бу 2017 ел белән чагыштырганда 1,5 тапкырга артыграк.
Россия Иктисадый үсеш министрлыгының ике проекты БМО карамагындагы оешма, Мәгълүмати җәмгыять мәсьәләләре буенча дөнья саммиты үткәрә торган премиядә катнашуга заявка биргән. Бу - күпфункцияле үзәкләрдә "бер тәрәзә" принцибы буенча дәүләт һәм муниципаль хезмәтләр күрсәтү буенча челтәр һәм "Сезнең контроль" дәүләт хезмәтләрен күрсәтү сыйфатына мониторинг системасы.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, бүгенге көннән безнең яңалыкларны рус һәм татар телләрендә генә түгел, ә инглиз телендә дә укып була, бу авыл хуҗалыгы продукциясен экспортлауны арттыру буенча Россия дәүләт сәясәте кысаларында аеруча әһәмиятле.
Россиядә беренче автоном машиналарны Up Great кышкы юллары шартларында тестлаштыру 26 нчы февральдән 5 нче мартка кадәр Мәскәү өлкәсендә автомототехника сынаулары һәм аны дәлилләү буенча фәнни-тикшеренү үзәге полигонында узачак. Катнашу өчен 13 команда, шул исәптән Иннополис шәһәреннән Innoteam командасы да бар. Конкурсны Милли технологик инициатива кысаларында Россия венчур компаниясе үткәрә.
25-28 нче гыйнварда Иннополис Университеты базасында информатика буенча Бөтенроссия олимпиадасының региональ этабы узды, анда Казан, Иннополис, Яр Чаллы, Түбән Кама, Әлмәт, Буа һәм Лениногорсктан 7-11 нче сыйныф укучылары катнашты. Җиңүчеләр һәм призерлар арасында РФ Үзәк фән-методик комиссиясе әгъзалары информатика буенча Бөтенроссия мәктәп укучылары олимпиадасының йомгаклау этабында республика данын яклаячак Татарстан җыелма командасын сайлап алачаклар.