ЯҢАЛЫКЛАР
2 июльдән 4 июльгә кадәр Татарстанда «Татарстанда Кыр көне - 2020» кыр форматындагы иң зур күргәзмә узачак. Күргәзмәдә авыл хуҗалыгы культураларының 100дән артык сортын һәм гибридын гына түгел, ә иң яңа заманча авыл хуҗалыгы техникасын, терлекчелек, үсемлекчелек һәм агросәнәгать секторын цифрлаштыру өлкәсендәге алдынгы казанышларны да күрергә мөмкин булачак.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Россия экспорт үзәге» АҖ чит ил базарларына агросәнәгать комплексы продукциясен чыгаручы Россия экспортерларына субсидияләр бирүгә заявкалар кабул итә.
Дәүләт хезмәтләренең бердәм порталында "Вузга онлайн керү" суперсервисы эшли башлады. Аның ярдәмендә мәктәпне тәмамлаучылар, чиратсыз һәм кәгазь гаризаларсыз, университетларга керү өчен, документларны уңайлы дистанцион форматта бирә алалар. Сервиска 54 югары уку йорты тоташачак.
371 мәгълүмат ресурсы ил халкы өчен киләсе ай башына кадәр бушлай калачак. РФ Элемтә һәм массакүләм коммуникацияләр министрлыгында Социаль әһәмияткә ия интернет-порталларның яңартылган исемлеген әзерләгәннәр.
Иннополис университетының робототехника - 2020 буенча ачык олимпиадасының йомгаклау ярышларында Россиянең 23 регионыннан һәм Беларусь Республикасыннан 120 укучы катнаша. Иң яхшы исем өчен 12 яшьтән 18 яшькә кадәрге укучылар көрәшә.
Профессиональ фотографлар һәм Татарстан халкын республикада милли проектларны гамәлгә ашыруга багышланган фотоконкурста катнашырга чакыралар. Җиңүчеләрне дипломнар һәм истәлекле призлар белән бүләкләячәкләр.
Барысы да дөрес: республика халкы журналларга һәм газеталарга онлайн рәвештә ТР Дәүләт хезмәтләре Порталы аша языла ала. 2020 ел башыннан порталда Россия Почтасының вакытлы басмаларына электрон язылу хезмәтеннән 3 909 татарстанлы файдаланган. Бу 2019 елның шул ук чоры белән чагыштырганда мең нөсхәгә күбрәк.
COVID-19 пандемиясе аркасында KAZAN DIGITAL WEEK - 2020 (http://kazandigitalweek.com) агымдагы елның 21-24 сентябрендә виртуаль форматта узачак. Халыкара форум кысаларында панель дискуссияләр, түгәрәк өстәлләр, техник турлар, күргәзмәләр һәм хакатон булачак. Хакатонның җиңүчеләре акчалата призлар белән бүләкләнәчәк.
Агымдагы елның беренче биш аенда ТР Дәүләт хезмәтләре Порталы аша никах теркәү өчен ЗАГСка электрон язылу хезмәтеннән 4 038 татарстанлы файдаланган.
Россия Федерациясе Авыл хуҗалыгы министрлыгында кыйммәтле мехлы җәнлек үрчетү тармагын үстерүгә багышланган киңәшмә узды. Чара Россия Федерациясе авыл хуҗалыгы министрының беренче урынбасары Джамбулат Хатуов рәислегендә узды. Чарада Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров һәм Татарстанда кыйммәтле мехлы җәнлек үрчетү белән шөгыльләнүче предприятиеләр вәкилләре катнашты.