ЯҢАЛЫКЛАР
28 сентябрьдән 3 нче октябрьгә кадәр Биектау авылындагы күпфункцияле үзәктә электрон сервислар белән эш итәргә өйрәнүдә өлкән кешеләргә ярдәм акциясе уза. Мондый ярдәм талонсыз, өстенлекле тәртиптә үзәкнең үзендәге компьютерларда күрсәтелә.
Биектау районы Башлыгы Рөстәм Кәлимуллин район кешеләрен Өлкәннәр көне белән котлауларга кушылды.
Мәктәп укучысы үзенең портфелендә нәрсәләр йөртә? Пенал, канцелярия товарлары, дәреслекләр, расписание һәм өй эшләре язылган көндәлек - болар һәммәсе уку әсбапларының классик җыелмасы. Хәзер инде республика балаларының “Мәдәни көндәлеге” дә бар. Бу - Татарстанның үзенчәлекле проекты. Якыннанрак танышу өчен, без Бөреле урта гомуми белем бирү мәктәбенә юл тоттык, чөнки башлангыч сыйныфларга нәкъ шундый көндәлекләр тапшырдылар.
Иң мактаулы һәм хөрмәтле һөнәрләрнең берсе - балалар бакчасы тәрбиячесе. Ул сабыйны яшьтәшләре белән аралашырга да, нәниләрне бу дөньяда тиешле юнәлеш алырга да өйрәтә, аларга беренче белем һәм күнекмәләр дә бирә.
Биектауның 2 нче гомуми урта белем бирү мәктәбендә беренче сыйныф укучылары өчен “Куркынычсызлык дәресе” уздырылды. Балалар һәм үсмерләрнең тимер юлда имгәнүләре, җәрәхәтләнүләренең төп сәбәбе - тимер юлда йөрү һәм юлны якынлашып килүче поезд каршыннан чыгып калырга ашыгу.
“Урманнарны саклыйк” Бөтенроссия акциясе кысаларында агачлар утырту Татарстанда - узган ял көннәрендә Ислейтар урманчылыгында башланды. Көз матур, аяз көннәре белән шатландырып торганда агачлар утырту да дәвам итәчәк.
Узган якшәмбедә Биектау тимер юл станциясе бистәсенә килүчеләрне “Бәйрәм белән!” дигән күңелле элмә белдерү каршы алды. Биредә ел да оештырыла торган авыл хуҗалыгы ярминкәсе узды. 30 дан артык җитештерүче түбән бәяләрдән үзләренең продукциясен тәкъдим итте. Кунаклар өчен сый-хөрмәт, кайнар чәй әзерләп куелган иде, ә Биектау артистлары иҗади чыгышлары белән сөендерделәр. Өлкән кешеләр алган әйберләрен социаль таксида өйләренә кадәр алып кайта алдылар.
Туган телне кеше нәни чагыннан ук күңел түрендә саклый. Үз туган теле - татар телендә сөйләшүчеләр саны кими бара. Күпмилләтле Россиядә рус телен яхшы белү, инглиз телен өйрәнү гадәткә кергән. Татар теле исә татар халкына гына кирәк. Аны мәктәпләрдә өйрәнәләр, әмма телнең гүзәллеген һәм күптөрлелеген аның чын кыйммәтен аңлаучылар гына белә һәм кадерләп саклый.
"Кем йөртә?" җыентыгында экспертлар Россиядә һәм дөньяда автоном транспорт базарын, технологияләрне, белем бирү эшчәнлеген һәм индустрия лидерларының тәҗрибәсен анализлый — Tesla, КамАЗ, Яндекс, Huawei һәм башкалар. Дайджестны Иннополис Университеты сайтында карарга була.
27.09.2020-20.10.2020 вакыт интервалында 11:37дән 12:41гә кадәр Татарстан Республикасы территориясе өстендә көзге интерференция башлана. Күпчелек цифрлы эфир телевидениесе кулланучылары, мөгаен, үзгәрешләрне сизмәсләр. Кайбер очракларда кыска вакытлы «туңу», аның пиксельләргә таралуы, тулы югалуы мөмкин. Телесигналны һәр торак пунктта трансляцияләү графигын ртрс.рф сайтында һәм «Телегид» кушымтасында карарга була.