ЯҢАЛЫКЛАР
Үзара салым турында Татарстанда яшәүче һәрбер кеше дә беләдер, мөгаен. Әлеге программа буенча халык тарафыннан бирелгән һәр 1 сум акчага Татарстанның республика казнасыннан тагын 4 сум өстәве хакында да ишетмәгән кеше калмагандыр. Программа җиде елдан бирле гамәлгә ашырыла һәм шушы чорда аннан канәгать булучылар да, ризасызлык белдерүчеләр дә бар. Ни өчен авыл халкы уртак бер фикергә килә алмый икән соң?
Әле күптән түгел генә Татарстан Республикасы Дәүләт Советы рәисе урынбасары Марат Әхмәтов эшләрендә ике дәүләт телен дә кулланучы белгечләргә өстәмә түләүләрне яңартырга кирәк, дигән тәкъдим кертте. Шуңа бәйле рәвештә социаль челтәрләрдән файдаланучылар әлеге тәкъдимне “хуплаучылар”га һәм “каршы килүчеләр”гә бүленделәр. Бу татар телен өйрәнүнең элеккечә үк бик күп бәхәсләр тудыра торган иң көнүзәк һәм актуаль тема булуы турында сөйли. Мәктәпләрдә телне өйрәнүдә нинди алымнар кулланыла, алар нәтиҗәлеме, мәдәният белән элемтәләре нинди?
Ел саен илебездә 10 нчы ноябрьдә Россия Федерациясе эчке эшләр органнары хезмәткәрләренең һөнәри бәйрәме билгеләп үтелә. 2011 нче елга кадәр ул Россия милициясе көне дип йөртелде. Бәйрәм тарихын 1917 нче елдан башлап санарга мөмкин. Нәкъ 10 нчы ноябрьдә, социалистик революциядән соң өч көн узгач, эшчеләр милициясен оештыру турындагы карар имзалана.
Биектау районына эш визиты белән Татарстан Республикасының Мәгариф һәм фән министры Илсур Һадиуллин килеп китте. Министрлык башлыгы мәктәпләрдә балаларны кайнар ризыклар белән тәэмин итүнең оештырылуы белән танышты һәм игътибарын Сovid-19 га бәйле рәвештә Роспотребнадзор таләпләренең ничек үтәлүенә юнәлтте. Белемнәрне тиешенчә үзләштерүдә, тырышып укуда көндезге ашка тәмле ризыклар булуы да мөһим роль уйный. Нәкъ менә шуның өчен дә белем бирү учреждениеләренең күпчелегендә туклану мәсьәләсе алгы планга куела. Ул төрле мәктәпләрдә төрлечә. Әлдермеш авылында һәм Биектауның 4 нче гомуми урта белем бирү мәктәпләрендә укучыларны ничек ашаталар икән?
Биектау районының муниципаль хезмәткәрләре үзләренең хезмәт бурычларына бәйле төп вазифаларын гына башкарып калмыйлар, алар бәйгеләрдә катнашырга да вакыт табалар. Татарстан Республикасының архив эше буенча Дәүләт комитеты архив хезмәткәрләре өчен конкурс оештырган иде. Безнең районнан анда Евгения Денисова катнашты.
Татарстанлылар киләсе елга республика министрлыкларының өстенлекле максатларын һәм бурычларын билгели алалар. Тавыш бирү ТР Дәүләт хезмәтләре порталында «Халык сораштырулары» бүлегендә уза.
Узган атнада биектаулылар, Бөтенроссия акциясенә кушылып, этнографик диктант яздылар. Коркачык урта мәктәбе алдан ук «Зур этнографик диктант» акциясен үткәрү мәйданчыгы итеп билгеләнгән иде. Акция Россиядә 5 нче ел рәттән Халыклар бердәмлеге көненә туры китерелеп уздырыла. Җир шары буйлап ел саен 46 илдә миллионнан артык кеше катнашып килә.
Биектау районының, пандемия чорында алгы сызыкта булып, көчләрен һәм вакытларын кызганмыйча авыруларны дәвалаучы табиблары турындагы сәхифәбезне дәвам иттерәбез. Бүген сүзебез Татарстан Республикасының атказанган табибы Рәдиф Бариев турында.
Алат авыл җирлегендә яңа мәктәп һәм балалар бакчасы төзи башладылар. Моңа кадәр агач мәктәп бинасын төзәткәләп, кимчелекле урыннарын буяп булса да балалар укытырга тырыштылар. Укытучылар һәм балалар тырышлыгы белән мәктәп яны җәй көне матур чәчәк түтәлләренә, куе яшел куакларга күмелеп утыра. Әмма көзгекышкы чорда ул яңадан искелек салкыны бөркелеп торган бер корылмага әверелеп кала.
Россия Цифрлы үсеш министрлыгы Интернет һәм кәрәзле элемтә үткәреләчәк торак пунктлар исемлеген раслады. Аңа республиканың барлык 43 районыннан 755 авыл кергән.