ЯҢАЛЫКЛАР
Боровое Матюшинода балалар, үсмерләр һәм яшьләр матбугатының “Алтын каләм - Золотое перо” XXVI нчы республика фестивале уздырылды. “Биектау ТВ” телевизион каналының яшь хәбәрчеләре Анастасия Миронова белән Лев Юсов биш көн буена нон-стоп режимында эшләделәр. Бөтен Татарстаннан килгән 170 яшь хәбәрче чын редакцияләр режимында контент булдырдылар, рәсемгә төшерделәр һәм массакүләм-мәгълүмат чаралары юнәлешләре буенча осталык дәресләре уздырдылар. Фестивальнең төп бүләге – Гранпри. Һәм аңа Анастасия Миронова лаек булды. Хыял тормышка ашты. Алга таба нишләргә?
Җиңел автомобильләр җитештерә торган компанияләрнең күбесе машина тәрәзәләрен яктылык үткәрүгә комачаулый торган пленкаларны ГОСТ буенча рөхсәт ителгән кагыйдәләргә нигезләнеп чыгаралар. Әмма күп кенә шоферлар ГОСТ таләпләрен үз теләкләре буенча үзгәртә һәм машина тәрәзәләренә кара пленкалар ябыштырып куя. Кондиционерсыз машиналарда тәрәзәгә ябыштырылган пленка азмы-күпме салонның артык кызуына комачаулык итә. Җәйге эссе көннәрдә пленка ябыштыру аеруча актуаль. Әмма закон таләпләре - кышмы, җәйме - һәр фасыл өчен бертөрле. Тәрәзәләренә кара пленка ябыштырган машина шоферлары закон кагыйдәләрен бозучылар исәбенә керә.
Сентябрь якынлаша, шуңа бәйле рәвештә белем бирү учреждениеләрендә яңа уку елына актив әзерлек эшләре башлана. Ул үзе белән көтелмәгән сюрпризлар алып килмәсен, ә мәктәпләр балаларны кабул итәргә әзер булсыннар өчен, Каенлык төп гомуми белем бирү мәктәбендә бүгенге көндә мәгариф тармагы алдында торган бурычлар турындагы мәсьәлә каралды. Директорлар киңәшмәсен Биектау районы Башлыгы Рөстәм Кәлимуллин һәм башкарма комитет җитәкчесе Дамир Шәйдуллин уздырды.
Татарстан Президенты Рөстәм Миңнеханов тарафыннан тәкъдим ителгән “Безнең ишегалды” йорт яны территорияләрен төзекләндерү программасы республикада икенче ел рәттән тормышка ашырыла. Биектау районында да яңа ишегаллары артканнан-арта.
Соңгы елларда үзләре укыган мәктәп алды лагерьлары укучылар өчен каникулларны күңелле һәм файдалы итеп уздыру өчен менә дигән мәйданга әверелеп бара. Җәйге каникул көннәрендә Биектау районы укучылары өчен һәр мәктәптә диярлек лагерьлар оештырылды.
Мөселманнарның иң зур бәйрәме алдыннан Татарстан Республикасы Президенты Биектау районында “Бердәмлек” ислам үзәген ачу тантанасында катнашты.
Татарстан Республикасының Дәүләт Советы депутаты Азат Җиһаншин Биектау районында урнашкан “Костер” балаларны сәламәтләндерү-белем бирү лагерена килеп китте. ТР Президенты күрсәтмәсен тормышка ашыру барышында депутат 3 балалар лагеренда булачак. Хәзерге вакытта “Костер”да 170 ләп бала ял итә һәм белем бирү программасының алты юнәлеше буенча алар модельләштерү, роботлар техникасы, анимация, КВН, театр сәнгате һәм башка шөгыльләр белән мәшгульләр. Лагерь эшчәнлеге турындагы нәтиҗәләр нинди соң?
“Эверест” футболчылары быелгы сезонда җанатарларын ике фронтта уңышлы уйнаулары белән сөендереп киләләр. ТР беренчелегенең Югары лигасында безнең команда лидерлар өчлегендә ышанычлы адымнар белән атлый һәм сезон нәтиҗәләре буенча призлы урынга исәп тота. Әле югыйсә биектаулылар республика футболы элитасында икенче генә сезоннарын уздыралар.
20 июль көнне бар дөньяда яшәүче мөселман өммәте ислам дөньясындагы иң олы бәйрәмнәрнең берсен - Корбан гаетен билгеләп үтте.
Җәйгә чыккач, COVID эпидемиясе бераз чигенер кебек тоелган иде. Әмма коронавирусның моңа кадәр күзәтелмәгән үзлекләргә ия булган штаммнары барлыкка килү үзенең төзәтмәләрен кертте. Вирусның яңа штаммыннан нинди куркыныч яный һәм районда профилактика чаралары үтәләме - безгә бу турыда Татарстан Республикасы буенча Роспотребнадзор Идарәсенең Биектау, Арча, Әтнә, Балтач районнары буенча территориаль идарәсе җитәкчесе Эльвира Салкова сөйләде.