ЯҢАЛЫКЛАР
Росагролизинг узган елдан ике айга иртәрәк «Алдан броньлау» акциясен башлап җибәрә.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә Татарстан Республикасы Хөкүмәте һәм студентларның, аспирантларның һәм яшь галимнәрнең фәнни-проект эшчәнлегенә ярдәм итү буенча «Милли интеллектуаль үсеш» фонды арасында хезмәттәшлек турындагы илешүне гамәлгә ашыруга юнәлдерелгән чараларны эшләү һәм аларны тормышка ашыру буенча уртак гамәлләр программасы буенча киңәшмә узды.
Бүген Казанда «Kazan Digital Week - 2021» халыкара форумы ачылды.
Сайлау участокларында тавыш биреп кенә калмыйча, вакцина ясатырга да мөмкин иде. Коронавируска каршы көрәш бүген дә көн кадагында тора: көзгә кердек, димәк, сезонлы чирләр артачак.
Узган сайлауларда өйдән чыкмыйча гына да тавыш бирергә мөмкин иде. Моның өчен участок сайлау комиссиясе вәкилләренә бу хакта алдан хәбәр итәргә генә кирәк. Өйдә тавыш бирү – уңайлы, тиз һәм куркынычсыз.
Сайлауларның икенче көне Биектау районында бәйрәм рухында узды. Һәм моңа гаҗәпләнерлек тә түгел, биектаулыларның күпчелеге ял итә һәм сайлау участогына барасы алдан ук планлаштырып куелган. Биектау районы Башлыгы Рөстәм Кәлимуллин да сайлауда үз фикерен белдерде.
Биектау районының мәктәпкәчә белем бирү учреждениеләре исемлегенә быел Эстачидагы “Шаян” балалар бакчасы да өстәлер. Бирегә ике йөздән артык нәни бала йөриячәк. Әлеге учреждениедә берничә - гомуми үсеш, компенсацияләүче, сәламәтләндерүче һәм башка төркемнәр булачак. Корылма агымдагы елның язында төзелә башлаган иде, район җитәкчеләре балалар бакчасын ачуны октябрьгә планлаштыралар. Әлеге балалар бакчасының авыл кешеләре өчен ни өчен шулкадәрле мөһим булуы турында сораштыра башлагач, быел балаларын шушы бакчага йөртәчәк әниләр бик теләп сүзгә кушылдылар.
Алат авыл җирлегендә тиздән яңа уку йорты үз ишекләрен ачачак. Бер бинада 80 укучыга исәпләнгән мәктәп һәм 20 сабыйга исәпләнгән балалар бакчасы урнашачак. Әлегә исә балалар 1958 елда төзелгән, иске булганлыктан шактый таушалган бинада белем ала. Алат мәктәбе күз алдында җимерелеп бара. Уку йортының тәрәзәләре ачылмый, ә кыш көне биредә бик салкын. Директор һәм укытучылар мәктәп бинасын төзәткәләп булса да, балаларны укытырга тырышалар. Шөкер, көтәргә күп калмады.
Сентябрь җитте, димәк белем бирү учреждениеләрендә яңадан укулар башланды. Балалар мәктәптә күп вакыт уздыра, алар биредә белем эстәп кенә калмыйча, дуслары белән аралашалар, уйныйлар, ашыйлар. Мәктәпләрдә туклану мәсьәләсе ни хәлдә?
17-19 сентябрь көннәрендә Россия күләмендә сигезенче чакырылыш Россия Федерациясе Федераль Җыены Дәүләт Думасы депутатларын сайлаячакбыз, шулай ук Биектау районының вәкаләтле органнарына депутатлар сайлау буенча муниципаль сайлаулар да узачак.