ЯҢАЛЫКЛАР

Татарстанда студентларның хезмәт отрядлары хәрәкәте эшчәнлеген иң яхшы яктыртучыларны ачыклау максатыннан гаммәви мәгълүмат чаралары арасында республика бәйгесе игълан ителде. Бу хакта бүген «Татар-информ» агентлыгында узган матбугат конференциясендә Студентларның хезмәт отрядлары республика үзәге директоры Ринат Садыйков хәбәр итте.

Халыкара валюта фонды озак сроклы чорда Россия икътисады елга 1,5%ка үсәр дип фаразлый. Бу хакта Халыкара валюта фондының Россиядәге даими вәкиллеге башлыгы Габриэль Ди Белла хәбәр итте.

“Без озак сроклы чорда Россия икътисады үсеше 1,5% тәшкил итәр дип уйлыйбыз”, - диде ул. Бу сүзләрен ул Европа бизнесы ассоциациясендә узган брифингта әйтте.

Конкурска йорәк-кан тамырлары авыруларын һәм терәк-хәрәкәт аппараты авыруларын профилактикалауның көнүзәк мәсьәләләре буенча эшләр (мәкаләләр, очерклар, теле- һәм радиорепортажлар, теле- һәм радиотапшырулар серияләре) тәкъдим ителәләр.

Татарстан мөселманнары диния нәзарәтенең "Зәкят" хәйрия фонды инвалид балалар һәм аларның әти-әниләре өчен сәламәтлекләрен дә ныгытырга, профессиональ һөнәр дә үзләштерергә ярдәм итә торган үзәк ачарга уйлый.

Татарстан чаңгычысы Мария Давыденкова Финляндиянең Иматра шәһәрендә узган халыкара ярышларда ике алтын медаль яулады. Ярышлар Халыкара чаңгы спорты федерациясе тарафыннан оештырылган иде.

ТР Җир һәм мөлкәт мөнәсәбәтләре тарафыннан Казан шәһәре, Г.Тукай ур., 113 адресы буенча урнашкан мәдәни мирас объектын арендалау килешмәсе төзү хокукына аукцион игълан ителде.

Бүген Татарстан Республикасы Президенты Рөстәм Миңнеханов Алкоголь һәм спиртлы продукция әйләнеше өлкәсендә тикшереп тору советының чираттагы утырышын уздырды.   

Утырыш Татарстан Республикасы Хөкүмәте Йортында видеоконференцэлемтә рәвешендә узды, утырышта республиканың кайбер мунициципаль районнары вәкилләре дә катнашты.

Төп тема – 2017 елның 9 ае эчендә алкоголь һәм спиртлы продукция базарындагы вәзгыять турында фикер алышу.

Бүген ТРның Министрлар Кабинетында узган брифингта “Халык инспекторы” дәүләт мәгълүмати системасы эшләренә нәтиҗә ясалды. Аның нәтиҗәләре хакында Татарстан Республикасы мәгълүматлаштыру һәм элемтә министрының урынбасары Тимур Зарипов белдерде. 

5 ноябрь көнне Казан дәүләт мәдәният институтында “Татар моңы-2017”  IXХалыкара яшь башкаручылар телевизион конкурсының беренче туры үтте. Бәйгедә катнашырга теләүчеләрдән 100дән артык гариза алынган иде.

Сочида  халыкара катнашу белән IV Бөтенроссия фәнни-гамәли «Социаль-мәгьнәле һәм аеруча куркыныч йогышлы авырулар» конференциясе узды. Ул 2 меңнән артык белгеч – йогышлы авырулар белгечләрен, эпидемиологларын, сәламәтлек саклауны оештыру буенча белгечләрен, төрле белгечлек табибларын җыйды.