ЯҢАЛЫКЛАР

Россия мәктәпләре программасында янә астрономия фәне пәйда булачак. Бу хакта бүген матбугат конференциясендә журналистларга Россия мәгариф һәм фән министры Ольга Васильева белдерде.

4-8 нче октябрьдә Казанда Рус теле һәм әдәбияты укытучылары Россия җәмгыятенең V конгрессы узачак. Ул 600 дән артык катнашучына җыячак, алар арасында: мәктәп һәм югары уку йортлары укытучылары, методистлар һәм галимнәр булачак. Бу турыда 19нчы сентябрьдә узган брифингта Рус теле һәм әдәбияты укытучыларының Россия җәмгыяте башкарма директоры Наталья Брунова, Казан федераль университетының рус һәм чит ил филологиясе бүлеге башлыгы Резедә Мөхәммәтшина, Татарстан Мәгариф һәм фән министрлыгының гомуми белем бирү бүлеге башлыгы Тамара Федорова сөләделәр.

Яңа уку елы башлану белән ТР дәүләт һәм муниципаль хезмәтләр контакт-үзәгенә мәгариф өлкәсендә электрон хезмәтләр алу буенча мөрәҗәгать саны артты.

Казанга эш сәфәре кысаларында Россия Федерациясе  мәгариф һәм фән министры урынбасары Людмила Огородова региональара компетенцияләр үзәгендә («Межрегиональный центр компетенциий») булды.

Татарстан Республикасы территориясендә мобиль телефон аша ялганлау очраклары артты. Башта абонентка смс килә, анда аның хисабына акча күчкән дигән мәгълүмат күрсәтелә. Аннары тагын бер смс килә, анда хата булган, акчаны кире кайтаруны үтенү смсы килә. Ялганчылар тозагына эләкмәс өчен хисаптагы акчаны тикшерергә киңәш итәбез.

Татарстан Республикасы Президенты Рөстәм Миңнехов Татарстан Республикасы Дәүләт Советының егерменче утырышы кысаларында  республиканың эчке һәм тышкы хәле турындагы еллык юллама белән мөрәҗәгать итте.  

«Шәхси мәгълүматлар турында»гы Федераль закон нигезендә, шәхси мәгълүматлар эшкәртүне башкарып та, Шәхси мәгълүматларны эшкәртү Реестрында теркәлмәгән операторлар ТР буенча Роскомнадзор идарәсенә белдерү хаты җибәрергә тиеш (Гарифҗанов урамы, 28а йорт, Казан, 420138, а/я 25). Роскомнадзор шулай ук реестрда 2011 елның 1 июленә кадәр теркәлгән операторлар өчен оператор турындагы мәгълүматларга узгәрешләр кертү турындагы документ формасының гадиләштерелүе турында хәбәр итә. Шул ук вакытта операторлар Роскомнадзорга мәгълүматлар узгәрү турында 2013 елның 1 гыйварына кадәр итәргә тиешләр иде. Тулырак мәглүмат – http://16.rkn.gov.ru/ сайтында.

2016 елның 18 сентябрендә Россия Федерациясе Федераль җыены Дәүләт Думасының җиденче чакырылыш депутатларын сайлаулар узды. Алан-Бәксәр авыл җирлегендә сайлаулар ике сайлау участогында узды. Җирлектә яшәүчеләр сайлауларда зур активлык күрсәттеләр. Сайлау участокларында көн озын музыка уйнап торды, сайлауга килүчеләрне коймак һәм чәй белән сыйладылар. Бу көн безнең җирлек өчен күңелле выкыйгаларга бай булды. Алты элеккеге сыйныфташ - быел 18 яшь тулган 6 егет һәм кыз узара сөйләшеп, бер вакытта сайлауга килделәр. Беренче тапкыр тавыш бирүче буларак аларга истәлекле бүләкләр дә тапшырылды. Шулай ук Әсән ширкәтендә эшләүчеләр дә активлык күрсәттеләр: берьюлы ун механизатор кырдан - зәб сукалаган җирдән участокка тавыш бирергә килделәр.

Ямаширмә балалар бакчасының икенче кечкенәләр төркемендә  21 сентябрь-Халыкара тынычлык көне  уңаеннан газета чыгарылды.