ЯҢАЛЫКЛАР
1 нче апрельдә Россия күләмендә хәрби хезмәткә чакыру башланды. Быелгы язда 135 меңләп кеше армия сафларын тулыландырачак, аларның өч меңнән артыгы - Татарстаннан чакырылучылар. Биектау районы 60 кешесен хәрби хезмәткә озатачак.
Биектау районында авыл хуҗалыгы техникасын кабул иттеләр. Машиналарның ничек әзерләнгәнлеген республиканың Авыл хуҗалыгы һәм азык-төлек министры урынбасары Рафаэль Фәттахов һәм Ростехнадзор белгечләре бәяләде. Комиссия барлык авыл хуҗалыгы предприятиеләрендә дә булды.
Белгечләр язгы ташкын апрельнең тәүге атналарында башланыр, дип фаразлыйлар. Шул сәбәпле, Биектау районында 14 авыл су астында калырга мөмкин. Болар - 343 йорт, 1114 кеше, алар арасында 185 бала, әле 2 икътисад объекты да бар.
Сыерларда туберкулез авыруы дәваланмый. Мондый очракта мөгезле эре терлекне суялар. Авыру сыердан алынган сөт продуктлары утильләштерелә. Хуҗалыкларга бу бик зур икъдисади зыян китерә. Сыер абзарларында туберкулез таякчыгын булдырмас өчен ветеринария табиблары елына ике тапкыр терлекләрне тикшереп чыгалар.
Җиңү паркында урнаштырылган хәрби техниканы җимергәннәр. Техниканың кул сузымындагы барлык өлешләре тар-мар ителгән. Җан өшеткеч ерткычлык күренешен үз күзләрең белән күрмәсәң, күңел ышанмый да. Кызганыч, кабатланмас үзенчәлеккә ия хәрби-тарихи һәйкәлләр бүгенге көндә капиталь ремонт көтә.
Республиканың радиотелевизион станцияләрендә апрельдә аналог («ТНВ» ТРК АҖ) һәм цифрлы эфир телерадиотапшырулары программаларын туктатып тору көтелә. Сезгә уңайлы булсын өчен, телерадиосигналларны өзү графигын тәкъдим итәбез.
Эшкуарлык күнекмәләрен үстерүгә юнәлдерелгән Z Сберының түләүсез мәктәп акселераторында катнашу өчен гариза бирү кампаниясе тәмамланды. Татарстан укучылары иң актив булып чыкты: республика платформага теркәлү саны буенча регионнар арасында беренче булды - 2225 заявка кабул ителде.
«Sanak-lab» белем бирү лабораториясе КФУның мәгълүмати технологияләр һәм интеллектуаль системалар институты (ИТИС) белән берлектә 5-9 сыйныф укучылары өчен программалаштыру буенча III республика олимпиадасын үткәрә. Катнашу өчен гаризаны 5 апрельгә кадәр сылтама буенча бирергә мөмкин.
Татарстан Цифрлаштыру министрлыгы командасы дәүләт хезмәтләре күрсәтүнең республика Порталында яңа сервисны гамәлгә ашырды. Хәзер республикада яшәүчеләрнең газ белән тәэмин итү буенча берничә минут эчендә бер тапкыр (ремонт) эшләрен түләү мөмкинлеге барлыкка килде. Сервиска сылтама – https://uslugi.tatarstan.ru/gas.
25 нче мартта илебездә Мәдәният хезмәткәрләре көне билгеләп үтелде. Биектау районында әлеге датага зур бәйрәм оештырдылар. Мәдәният халыктан аерылгысыз булганлыктан, чараны да Туган телләр һәм халыклар бердәмлеге елы кысаларында үткәрделәр. Бу көнне төрле милләт вәкилләре белән очрашырга һәм танышырга мөмкин булды.