ЯҢАЛЫКЛАР
2020 елның май аенда районның үзәк хастаханәсен коронавирус инфекциясе белән авыручылар өчен госпиталь итеп үзгәрткәннәр иде. Агымдагы елның октябрь аенда аны яңадан ачулары берәүне дә гаҗәпкә калдырмады. Аның шулай буласы билгеле иде инде. Авыручылар саны һаман арта барганда башка вариант мөмкин дә түгел. Ярый әле “катлаулы” пациентлар саны кимегән. Табиблар моны вакцина ясаткан биектаулыларның чирне җиңелрәк кичерүләре һәм өйләрендә дәваланулары белән аңлаталар. Бүгенге көндә госпитальдәге 72 урынның 50сендә диярлек авырулар ята. Пациентларның 95 проценты прививка ясатмаган. Сәбәпләре төрле: кемдер белә торып нидер көтә, ә кемдер инфекциянең барлыгына ышанып бетми. Бүген андыйларның фикере үзгәргәнме соң? Үз хәбәрчебез Биектау районының үзәк хастаханәсендәге “кызыл зонада” булып кайтты.
ГТОның нәрсә икәнлеген хәзерге вакытта берәүгә дә аңлатып торасы юк. Моның спорт нормативлары буенча нормалар комплексын тапшыру икәнлеген барысы да аңлыйлар. Биектау районында мондый нормаларны оешмаларда эшләүчеләр һәммәсе дә тапшыра. Әле күптән түгел Усад спирт заводы коллективы үз көчен сынап карады.
Панкратион буенча дөнья чемпионы - Биектау авылыннан Карина Мосагыйтова узган атнада Харьковтан Россиягә абсолют чемпионлык титулы белән кайтты. Монысы инде аның 36 нчы алтын медале. Сүз уңаеннан Каринаның медальләре арасында көмеш һәм бронза медальләрнең булмавын әйтеп китү дә урынлы булыр. Ул һәрвакытта да лидерлар сафында. Үз сүзләре белән әйткәндә, ул балачагыннан ук ”тимер белән көч сынашырга” яраткан. Үзен гимнастикада да, бокста да сынап караган, әмма күңеле белән бары тик панкратионга гына береккән, шушы төрдә генә максатына ирешкән.
“Бәләкәч” балалар бакчасы үзенең 10 еллык юбилеен билгеләп үтте. Кайчандыр ул Биектау авылының иң зур балалар бакчасы булып саналды һәм районда зур белем бирү учреждениеләре төзелешенә старт бирде. 10 ел эшләү дәверендә 500дән артык кечкенә малай һәм кызларны тәрбияләп чыгарды.
“Тулпар” мәктәптән тыш эш Үзәге үзенең юбилеен истә калырлык матур итеп билгеләп үтте. Узган ел Үзәк оешканга 10 ел тулган иде. Әмма коронавируска кагылышлы чикләүләр кертелгәнлектән, бәйрәм итүне кичектереп торырга туры килде.
Габдрахмановлар гаиләсе - бик яшь гаилә. Булат белән Айсылу 2021 елның башында гына өйләнешә. Уллары Әмирханга 2 ай. Фатирны алар ипотекага сатып ала. Айсылу әлегә декрет ялында. Ипотека түләргә дәүләт тарафыннан яшь гаиләләргә ай саен түләнә торган акча ярдәмгә килә.
Галина, юлны аркылы чыгу өчен, машиналарның узып киткәнен көтеп, җәяүлеләр кичүендә басып тора. Көтмәгәндә карашы чандыр гәүдәле яшь хатынга төбәлә һәм ул, йөрәк түреннән чыккан авазны тыеп тора алмыйча, йөгерәатлый шул якка китә. 15 ел күрмәгән кызы Светлананы күкрәгенә кыскан Галинаның яңакларыннан эре-эре күз яшьләре тәгәри...
20 ноябрьдә Башкортстанның Уфа шәһәрендә "Идел" татарбашкорт җыры Халыкара конкурсы булды. Анда Биектауның 4 нче мәктәбе укучысы Феофанова Амелия җиңүче булды. Якташ кызыбыз Габдрәкыйпова Әдилә 3 дәрәҗә лауреат исемен алды. Феофанова Амелия Гала-концертка чакыру алып, Башкортстанның һәм Татарстанның легендар җырчылары белән бер сәхнәдә "Тәфтиләү" җырын башкарды, шулай ук махсус бүләккә лаек булды.
Казан филармониясе артистлары биектаулыларны күңелле чыгышлары белән сөендерделәр. Үзәк мәдәният йортында даны республикага таралган “Казан” ансамбле халык биюләрен гаҗәеп оста башкаруы белән сокландырды. Татарстанның атказанган артистлары Рөстәм Закиров, Сөмбел Билалова, Рафаэль Якупов, Сиринә Зәйнетдинова, Алмаз Хәсәнов, Ләйсән Мәхмүтова, Резидә Шәрәфиева һәм Марина Карпова популяр җырлары белән залны гөрләттеләр.
Ноябрь азагы инвалидларның Бөтендөнья ункөнлегенә кадәрге вакытны яңадан исәпли башлый торган чор булып тора. Бу көннәрдә сәламәтлек мөмкинлекләре чикле кешеләр аеруча игътибар үзәгенә алына. Биектау районы әлеге датаны беркайчан да онытмый. Барлык чаралар һәм акцияләргә безнең редакция дә кушыла. Гадәттә без “Йөрәктән - йөрәккә” хәйрия марафонында катнашучы инвалид балалар турында мәкаләләр һәм телевизион портретлар циклы әзерлибез.