ЯҢАЛЫКЛАР

Бүген Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Питрәч, Балык Бистәсе, Теләче муниципаль районнарында язгы чәчүнең барышы белән танышып кайтты.

«2017-2020 елларга Татарстан Республикасында крестьян (фермер) хуҗалыклары базасында гаилә терлекчелек фермаларын үстерү” ведомство программасы буенча грантлар бирү өчен КФХ проектларын сайлап алу конкурсына йомгаклар ясалды. Грантларның гомуми күләме 214,8 млн. сум тәшкил итә, шулардан 124,6 млн. сумы федераль бюджеттан бирелде.

Фестивальдә Татарстанның 24 районыннан 46 фольклор коллективы чыгыш ясады.

Татарстан Республикасы Саба муниципаль районында Тимершык авылында сөт бизнес академиясе базасында республика хуҗалыклары җитәкчеләре һәм белгечләре өчен өч көнлек семинар узды. Баш эксперт буларак, «Унибокс» ҖЧҖенең терлекчелек буенча (Беларус Республикасы) консультанты Александр Лапотко чыгыш ясады.

Татарстан кырларындагы язгы чәчү эшләренең торышы белән бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов таныштырды.

Шушы көннәрдә Татарстан Республикасы Авыл хуҗалыгы һәм азык-төлек министрлыгы белгечләре республиканың дәүләт сорт участокларында көзге культуралар чәчүлекләренең торышын бәяләделәр. Тикшерүдә шулай ук «Госсорткомиссия» ФДБУенең Татарстан Республикасы филиалы вәкилләре, Татарстан аывл хуҗалыгы фәнни-тикшеренү институты галимнәре дә катнашты.

Республикалардагы җәмәгатьчелек бу закон проектына каршы, ә депутатлар үз фикерен белдерми, ди инициатив төркем вәкилләренең берсе Айрат Фәйзрахманов.

Бүген 18.00 сәгатьтән 11 майның 18.00 сәгатенә кадәр төньяк-көнчыгыштан сәгатенә 17 км тизлектәге җил булачак.

Бүген Министрлыкта терлекчелек тармагының 2018 елдагы 4 айлык эшенә йомгаклар ясадылар. Киңәшмәне Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов үткәрде. Киңәшмәдә районнарның авыл хуҗалыгы һәм азык-төлек идарәләре башлыклары, терлекчелек буенча консультантлары, “Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе” ДКУ белгечләре катнашты.

10 майга республикада язгы культуралар 308,8 мең га мәйданда чәчелгән, бу барлык чәчү мәйданының 17%ын тәшкил итә. Бөртекле культуралар 241,7 мең га мәйданда, ягъни планнан 24% чәчелгән. Шул исәптән сабан бодае – 28 мең га (7%), арпа – 174 мең га (45%), борчак – 13 мең га (20%), орлык кукурузы – 0,8 мең га (1%) мәйданда.