СВО ветераннары Биектау районы данын «Абилимпикс 2026» чемпионатында яклаячак!
Бүген, 26 июньдә, Казанның халыкара күргәзмә үзәге «Казань ЭКСПО» мәйданчыгында СВО катнашучылары арасында һөнәри осталык буенча «Абилимпикс 2026» чемпионаты старт ала. Безнең горурлыгыбыз — Биектау районы командасы, ул муниципалитет данын федераль ярышларда яклаячак.
Татарстан җыелма командасы составында безнең районнан биш талантлы спортчы чыгыш ясый, алар һөнәри осталык чикләрне белми икәнлеген күрсәтәләр:
Шерстобитов Федор Николаевич — «Слесарь санитарно-технических систем» компетенциясе;
Астраханцев Родион Сергеевич — «Техник-протезист» компетенциясе;
Назипов Булат Марселевич — «Инструктор по адаптивной физической культуре» компетенциясе;
Ибрагимов Радик Рашитович — «Массажист» компетенциясе;
Широков Анатолий Анатольевич — «Мастер по приготовлению пиццы» компетенциясе.
Катнашучыларга Татарстан стилендә экипировка тапшырылды. Безнең биектауларга ышаныч, уңышлар һәм бары югары нәтиҗәләр генә телибез!
Мондый чаралар «Спорт России» дәүләт программасының мөһим өлеше булып тора. Сәламәтлек мөмкинлекләре чикле кешеләр өчен адаптив спортны үстерү, шулай ук ветераннарны һәм СВО катнашучыларын реабилитацияләү һәм социаль адаптацияләү программаның төп өстенлекләре булып тора.